Në eventin e radhës të organizuar nga Startup Grind Tirana, ku i ftuar ishte Genci Likoskëndaj, një sipërmarrës entuziast i teknologjisë, i cili prej vitesh operon suksesshëm në tregun e shërbimeve të IT dhe ofrimit të programeve komjuterike. Business Mag Albania si media partner dhe mbështetëse kryesore e eventeve të Startup Grind Tirana sjell për audiencën përmbledhjen e takimit dhe videon ku ju ftojmë ta ndiqni më poshtë.
Genci Likoskëndaj është lindur dhe rritur në qytetin e Fierit, në periudhën më të mirë që ka kaluar ai qytet, vitet ’80-’90 ku ai qytet ka qënë vërtet në dinamikë të plotë, si në fushën e arsimit, si në fushën e sporteve, si në fushën e kulturës, gjithashtu me diversitetin që ne kërkojmë ta kemi tek njerëzit. Prindërit e tij ishin nënpunës të mesëm, familja përbëhej nga 4 fëmijë dhe që të gjithë me arsim të lartë. Ai thekson se origjina e tij e largët është nga Vlora, tregon që këto 30 vitet e fundit, zhvilloi biznesin e tij në Tiranë duke qënë një sipërmarrës, bashkëshort dhe prind i lumtur. Në vitin 1993 ai themelon CCS duke theksuar se ishte momenti, habitati dhe koha e duhur për një vendim të tillë pasi ishte edhe një ndër brezat e parë të teknologjisë në një moment kur sistemi po degjeneronte. Ai thekson se në Shqipëri mungon ndarja sipas vlerave (by merits). Ai tregon aftësitë e tij të mira sipërmarrëse duke firmosur kontrata të ndryshme punësh që në moshën 13-vjeçare.
Në vitin 1992 ai diplomohet në Universitetin e Tiranës për informatikë me rezultate të shkëlqyera.Me energjinë dhe zgjuarsinë qe e karakterizonte pas një viti ai themelon Kompaninë e tij. Ne pyetjen vijuese për produktin e parë, klintelën e parë dhe si arriti ta menaxhonte kompaninë e tij, Genci na jep një këshille kineze: Në qoftë se nuk di te buzëqeshësh( jo të qeshësh) atëherë mos hap dyqan. Pra komunikimi dhe përgjegjshmëria ndaj klientit ështe vërtet e rëndësishme për të pasur sukses. Ai tregon edhe për suksesin që arriti me hapjen e kurseve, me vetëm 4 kompjutera. Partnerët e tij të parë ishin shokët e tij të dhomës pasi kërkesa për kurse vërtet arriti kulmin. Ai nënvizon se ndershmëria në një biznes është çelësi pët të pasur një klientelë të qëndrueshme.
Në moshën 25-vjeçare ai arrin të firmosë një kontratë të një institucion serioz të jashtëm. CCS ka pasur në fokusim përgjithësisht Hardware-t. Në vitin 2007 kemi Tetra Solutions me fokusim kryesisht në Software dhe integrimin e sistemeve. Të dyja kompanitë CCS dhe Tetra Solutions janë si dy motra por ofrojnë shërbime të ndryshme. Tetra merret me zgjidhjen e nevojave të klientit, është nje kompani e cila tregon pjekurinë e themeluesve dhe një fond të konsiderueshëm. Genci thotë që dallimi kryesor ndërmjet dy kompanive, CCS dhe Tetra Solution ështe se tek CCS nuk lejohej të behej qoftë edhe gabimi më i vogël për shkak të kushteve qe ndodheshin në vitet e krijimit të saj, ndërsa tek Tetra kishte “privilegjin të bente gabime të vogla, jo faje” dhe sërish të qëndronte në treg. Fondet për marketingun, trajnimet e ndryshme të punojësve nuk kanë munguar në të dyja kompanitë dhe sot ato zënë një vend vërtet të qëndrueshëm në treg. Ai flet gjithashtu edhe për CCS office dhe kompaninë e tij të katërt, GIS Albania e cila ofron shërbime vërtet pikante. Të 4 këto kompani ai i përkufizon si 4 fëmijët e tij për të cilët kujdeset që të rriten healthy dhe me maturi. Përsa i përket dështimit ai e përkufizon si një formë të të mësuari dhe një dështim konkret që ai ka kaluar ështe hapja e nje dyqani me rreth 40 mijë euro mall por pa llogaritur mirë kundërshtarët e tjerë të cilët ishin në treg dhe veprimet e pandershme që ai duhej të bënte për të arritur sukses. Sistemi i Teknologjisë së Informacionit ështe pjesë e zhvillimi të të tërës dhe kjo ështe sfida e këtij sektori sipas Gencit, gjithashtu edhe ikja e njerëzve të aftë jashtë shtetit shfaqet si problem. Hobi i tij ishte të merrej me sport dhe qitje. Për të rinjtë dhe të rejat ai rekomandon të bejnë share me njëri tjetrin.
Duke shprehur indinjatën e tij për sistemin tonë akoma ne punim e sipër ai fton audiencën me një ton të përzemërt për ndryshim. Duke bërë një paralelizëm figurative të sipërmarrjes me peshkimin (ndryshimi i motit, rreziqe të ndyshme , përballja me peshkaqenët, etj) thekson se sa e vështirë është sipërmarrja. Sipërmarrësit të cilët veprojnë në konkurrencë jo të barabartë në treg i krahason me peshkatarët të cilët hedhin dinamit në oqean nga kjo dalin problem si: shkatërrimi i faunës, cilësia e keqe e peshkut, risku për dëmtimin e vetëvetes gjatë hedhjes së dinamitit, një krahasim vërtet domethënës për sipërmarrësit në dukje të fuqishëm dhe të fortë. Përsa i përket ndryshimit të një kompanie nga një kompani e vogël në një kompani që operon rreth 5 mln të ardhura Genci flet për vështirësitë që hasen dhe e lidh këtë me ëndrrën dhe dëshirën për të arritur atë çka vërtet ke pasion duke kërkuar, zhvilluar, ndërtimin e standardeve dhe gjetjen e partnerëve të besueshëm dhe e gjitha varet tek struktura që ke ndërtuar.
Për sfidat e startup-eve për krijimin e një stafi të kualifikuar dhe mbajtjen e atij stafi Genci rekomandon sërish sharing, të krijojnë marrëdhënie motivimi duke mbajtur ata risk më shumë. Suksesi për Gencin ishte adrenalinë. Pyetjes se ku e shihte veten pas 5 vitesh Genci u përgjigj që kompania e tij të bëhej një kompani internacionale në vendet ku ka shumë për të bërë dhe thekson se pse mos të jemi ne shqpitarët brenda kufinjëve të modestisë pjesë e këtij ndryshimi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
