Elevator LAB Bootcamp prezantohet me komunitetin e startup-eve të OFIÇINËS

Elevator LAB Bootcamp prezantohet me komunitetin e startup-eve të OFIÇINËS

Elevator Lab

Në ambjentet e Oficina Innovation Hub u organizua një takim me startup-e që mbështeten nga ky akselerator, përmes programit Elevator LAB 2020 të Raiffeisen Bank Kosova & Shqipëri.

Përfaqësues të startup-eve që po zhvillohen me hapa të kënaqshëm në fusha të ndryshme si Fin-tech, BlockChain, E-learning, Marketing Automation Service, Robotics etj me mbështetjen e Oficina Innovation Hub, bashkë me përfaqësues të Raiffeisen Bank Albania dhe New Media Communications folën për mundësitë e reja që këto ide kanë dhe për impaktin që ato do kenë në komunitetet që do të operojnë.

Lexoni: Raiffeisen Bank në Kosovë dhe Shqipëri prezantojnë programin e përbashkët “Elevator Lab 2020”

Ky takim miqësor pati në qendër njohjen dhe prezantimin e Elevator LAB me komunitetin e startup-eve. Sipërmarrësit e rinj folën për idetë inovatore dhe për vizionin që kishin në zhvillimin e produktit apo shërbimit që ofronin, duke synuar gjithmonë zgjidhjen e problematikave të ndryshme dhe krijimin e vlerave për përfituesit. Nga ana tjetër, përfaqësues të Raiffeisen Bank shprehën mbështetjen dhe ofruan  mundësi të reja për zhvillimin e shpejtë të këtyre startup-eve me anë të programit Elevator LAB dhe jo vetëm.

Ky program do të jetë një mundësi e mirë për startup-et inovatore që të zhvillohen, ashtu si janë zhvilluar dhe kanë rezultuar të suksesshëm përfituesit e këtij programi në vitet e kaluara. Tashmë ata operojnë si biznese të konsoliduara duke lidhur kontrata të rëndësishme, jo vetëm me Raiffeisen Bank, por edhe me kompani prestigjoze jashtë Shqipërisë.

Elevator Lab

Informohu mbi Elevator LAB 2020

U diskutua edhe mundësia për një paketë monetare nga ana e bankës, posaçërisht për startup-et, kryesisht në fazat e krijimit të produktit apo shërbimit dhe testimit të tij, që siç dihet është një periudhë e vështirë dhe vendimtare në ekzistencën e këtyre bizneseve fillestare. Përfaqësues të Raiffeisen Bank Albania, që ka një fokus kryesor te inovacioni dhe startup-et inovatore, shprehën një qëndrim pozitiv ndaj kësaj kërkese dhe po punojnë që të ndërtojnë një produkt që t’u përshtatet sa më mirë nevojave të grupeve të interesit.

Aspironi të bëheni sipërmarrës? Keni një ide inovatore? Jeni profesionistë të shërbimeve financiare, jeni duke ndërtuar një startup të sukesshëm finetech në Shqipëri dhe keni nevojë për partnerë bankarë që t’ju mbështësin?

Nëse po, mos prit asnjë sekondë por APLIKO TANI dhe bëhu pjesë  e programit “Elevator Lab Bootcamp Kosovë & Shqipëri 2020” për ta çuar sipërmarrjen tuaj në një nivel tjetër.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0