Në total ishin 336 startupe fintech të cilat shfrytëzuan mundësinë për një bashkëpunim potencial afatgjatë me RBI Group dhe 16.6 milionë klientët e RB-së në Austri dhe në rajonin e EQL. 13.4 % e të gjitha aplikacioneve janë paraqitur nga fintech austriake, 27.1 % fintechs nga rajoni i Europës Qendrore dhe Lindore, me një numër relativisht të lartë aplikimesh nga Hungaria, Rumania dhe Sllovakia, duke reflektuar komunitetet fintech të zhvilluara në këto vende.
Lexo: Raiffeisen Bank lançon akseleratorin Fintech “Elevator Lab”
“Ne jemi të lumtur që arritëm ta mbyllnim me sukses fazën e aplikimit për Elevator Lab dhe se kemi aplikime nga të gjitha 14 tregjet tona në Europën Qendrore dhe Lindore. Numri i lartë dhe cilësia e aplikimeve i tejkaluan pritshmëritë tona. Deri në fund të muajit Gusht, ne do të shqyrtojmë intensivisht dokumentet në mënyrë që të identifikojmë ato 30 startupe të cilat do të kenë mundësinë të bindin jurinë tonë për konceptet e tyre gjatë pitching”, shpjegon Michael Hoellerer, vendimmarrësi për këtë projekt në RBI, i cili, ndër të tjera, është përgjegjës për strategjinë e dixhitalizimit të Grupit RBI.
Pesë startup-et që do të marrin pjesë në program do të zgjidhen në mes të Shtatorit në Vjenë. RBI bashkëpunoi me Pioneers Discover dhe u mbështet edhe nga partnerë të tjerë. Detaje të tjera për Elevator Lab dhe vazhdimësinë e tij mund të gjeni në faqen zyrtare: www.elevator-lab.com
Rreth RBI-së
Raiffeisen Bank International AG (RBI) i përket si Austrisë, ku është një korporatë dhe bankë investimi lider, ashtu dhe Europës Qëndrore dhe Lindore si tregu i saj. 14 tregjet e rajonit janë mbuluar nga bankat e filialit. Përveç kësaj grupi ofron shërbime të specializuara financiare si në fushën e leasing-ut, menaxhimit të aseteve, gjithashtu dhe në bashkimet dhe blerjet.
Në total, më shumë se 50,000 punonjës u shërbejnë rreth 16.6 milionë klientëve nëpërmjet 2,500 njësish biznesi, shumica e të cilave ndodhen në Europën Qendrore dhe Lindore. Aksionet e RBI janë të listuara në Bursën e Vjenës. Bankat rajonale Raiffeisen zotërojnë rreth 58.8 % të aksioneve, pjesa tjetër është e lirë. Brenda Grupit Bankar Raiffeisen (RBG), RBI është institucioni qendror i bankave Raiffeisen në rajon dhe institucioneve të tjera të lidhura me kreditimin dhe bën shërbime të rëndësishme në këtë funksion.
Burimi: rbinternational.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
