EasyPay vazhdon të sjellë risi në tregun shqiptar të pagesave - Business Magazine Albania

EasyPay vazhdon të sjellë risi në tregun shqiptar të pagesave


EasyPay ka qenë dhe mbetet kompani që sjell inovacion në tregun shqiptar, kryesisht në tregun e pagesave dhe transfertave, për të bërë kështu jetën e çdo qytetari sa më të thjeshtë.

Që nga momenti i krijimit e deri më sot, slogani i kompanisë ka qenë: “Krijojmë Lehtësi!”Në mënyrë që të arrihej ky mision, EasyPay nuk u perqëndrua vetëm tek pjesa e popullsisë që ka akses në sektorin bankar, por edhe tek popullsia “unbanked” e cila qëndron jashtë këtij sektori, njerëz që nuk kanë llogari bankare por që duan të përfitojnë pagesa dhe transferta sa më të shpejta dhe të favorshme.

Nisur nga fakti që 15 shërbimet e pagesave të cilat EasyPay aktualisht ofron, pjesa më e madhe e të cilave janë utilitete, të cilat përfshijnë pothuaj të gjithë popullsinë, u mendua që në fillim se çfarë rruge do të ndiqej në mënyrë që mjeti i tyre i pagesës të ishte i prekshëm nga të gjithë. Për të arritur këtë qëllim, kompania mendoi që të mos ishte e përqëndruar vetëm në dy qytetet kryesore, Tiranë dhe Durrës, por të shtrihej në të gjithë vendin. Pas shtatë vitesh në treg, kjo tashmë është arritur. Shërbimet EasyPay janë të shtrira në të gjithë vendin, si në zonat urbane ashtu edhe në ato rurale dhe EasyPay ka tashmë 320 pika në gjithë Shqipërinë.

Ndërkohë nga ana tjetër gjendet klienti EasyPay që është i lidhur ngushtë me teknologjinë, i cili tashmë ka mundësinë të përdorë shërbimet EasyPay nëpërmjet smartphone-it të tij në të tre platformat: Android, iOS dhe Windows. Risi e vitit 2016 në lidhje me këtë aplikacion mobile ishte rritja e konveniencës së klientit duke pasur gjithmonë parasysh sigurinë e të dhënave, duke bërë të mundur autentikimin e klientit me metodën ‘Finger Authentication‘. Kjo është mënyra më e sigurtë e cila përdor të dhënat biometrike të individit me anë të shenjës së gishtit për platformat mobile Android dhe iOS.

Gjatë këtyre 7 viteve aktivitet, janë rreth ½ milionë klientë që kanë kryer pagesa dhe transferta pranë pikave EasyPay dhe nga aplikacioni.

Gjithashtu risi tjetër që EasyPay ka sjellë së fundmi është linkimi i llogarisë EasyPay direkt me llogarinë bankare të klientit, me anë të së cilës agjenti apo klienti EasyPay mund të mbushë direkt llogarinë e tij nëpërmjet llogarisë që zotëron në bankë, në momentin që nuk ka balancë. Lidhur me çështjen e integrimit me sistemin bankar, EasyPay ka zhvilluar dhe një interface (API) që bën të mundur integrimin me bankat dhe mbushjen në “real-time” të llogarisë së agjentit apo klientit EasyPay sapo ai bën një derdhje Cash në bankë apo transfertë nga llogaria në llogari.

Përveç portofolit të pagesave si dritat, uji, kopshtet dhe çerdhet e femijëve, gjobat e policisë dhe ato të bashkisë, rimbushje mobile, abonim TV apo internet e shumë të tjera; së fundmi EasyPay ka hyrë dhe në tregun e Transfertave të Parave.

Në fund të 2016 EasyPay realizoi partneritetin me Ria International Money Transfer, një nga 3 (tre) operatorët më të mëdhenj për ofrimin e trasfertave të parave në gjithe botën. Prej 30 vitesh në tregun global, misioni i Ria-s është të jetë kompania më progresive në botë për transfertat e parave, duke i ofruar klientëve shërbime remitancash të shkëlqyera dhe me tarifa konkurruese për tregun. Ky bashkëpunim shënon një hap shumë të rëndësishëm në historinë e zhvillimit të EasyPay, jo vetëm në sektorin e pagesave por edhe transfertave të parave, kudo dhe në çdo kohë, për klientët e saj. Së shpejti do të realizohen edhe parneritete të tjera ndërkombëtare.

E reja më e fundit e EasyPay është pajisja me 2 certifikata ISO Standards:

ISO 27001 – Information Security Management (data security).
ISO 20000 – Service Management Systems.

Të dyja këto standarte janë shumë të rëndësishme për llojin e aktivitetit që ushtron EasyPay, standarte që tashmë janë një domosdoshmëri në sektorin financiar në mbarë botën.

Burimi: pcworld.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0