E apasionuar pas udhëtimeve, Edlina Losha nuk bën vetëm biznes


Edlina Losha është jo vetëm themeluesja dhe drejtuesja e kopështit “Princi i Lumtur”, ku dallon për filozofinë e saj tërësisht ndryshe të rritjes dhe edukimit të fëmijëve. Prej më shumë se 15 vitesh, ajo punon për t’u siguruar fëmijëve momente mbresëlënëse. Por, edhe ajo vetë jeton eksperiencat e forta që të japin udhëtimet në vende të ndryshme të botës, me kultura dhe histori nga më të ndryshmet. Sigurisht që çdo udhëtim është rigjenerim i trurit dhe energjisë.

Nisur pikërisht nga pasioni i saj i udhëtimit dhe ndikimi që kjo ka lënë te Edlina, ne kemi zhvilluar një intervistë për të kuptuar më shumë rreth vendeve më interesante, të mira, të sigurta apo jo.

Lexo: 5 mënyra se si udhëtimet ju ndryshojnë

Lexoni më poshtë intervistën:

Duke qenë se keni udhëtuar shumë vende të botës, a mund të na thoni cili ka qenë vendi që ju ka lënë më shumë mbresa?

Udhëtimet janë një përvojë e mrekullueshme, terapi e këndshme, ilaç për të arritur lumturinë! Por, si të gjithë ilaçet, tek disa persona ka më shumë efekt- tek disa jo edhe aq shumë! Unë i përkas kategorisë së njerëzve që udhëtimet i kanë në vend të ripërtëritjes! Kur shkon jashtë kufijve të vendit tënd- të gjitha në vetvete të lënë mbresa nga më të ndryshmet dhe të larmishmet! Ky është fakt! Por, ka edhe disa të tillë që nuk mund të harrohen kurrë! Për mua një ndër këto ka qenë një aventurë shumë mbresëlënëse rruga që kemi përshkruar në Amerikë nga New York  deri në Kaliforni! Të shkoje nga i ftohti i acartë, (pavarësisht se ishte prill), i NY, në atë bukuri mbresëlënëse me gradaçiela të larta të Chikagos, më pas të biesh në qetësinë dhe atmosferën gjithë mikpritje të Nebraskës, të përshkruash rrugët gjithë borë të Colorados, më pas tek qyteti i shumëpëlqyer dhe i lakmuar nga vetë amerikanët Denver….rrugë, rrugë…rrugë të drejta të autostradave dhe më tej kanionet e pafundme me bukuri të pashoqe të Utah… Deri në vapën e padurueshme prej 40 gradësh të Las Vegasit të çmendur që ishte thjesht mishërimi i shprehjes: “Çfarë bëhet në Las Vegas mbetet ne Las Vegas“ dhe mbyllja fantastike në Los Anxhelosin e adhurueshëm me Beverly Hills – in dhe Hollywood-in! A ka më bukur se kjo? Të marrësh një makinë me qera në NY, të flesh netëve nëpër motele, të freskohesh në autogrillat e lezetshme që ndryshe nga evropianët, amerikanët i kanë edhe me dhoma ndenje, lojrash, televizor …. një aventurë që e kujtoj me shumë ëmbëlsi përherë! Kemi bërë pothuaj 5000 km dhe ka zgjatur rreth 3 javë!

Por, kur mendon se kaq shumë udhëtime, njëkohësisht të vijnë në mendje shpenzime marramendëse. A mund të na tregoni ndonjë sekret për të udhëtuar shumë dhe me pak shpenzime?

Gjithmonë ekziston koncepti i gabuar që udhëtimet patjetër shoqërohen me buxhet marramendës! Janë shumë të kufizuara shpenzimet veçanërisht kur del jashtë Evropës! Evropa shquhet për çmime të larta. Pra, një këshillë është të dalim jashtë kufijve të saj! Gjithashtu, duhet të parashikohet udhëtimi disa muaj më parë dhe të bëhen prenotimet! Por, edhe agjensitë turistike bëjnë oferta shumë të mira, guida të garantuara dhe hotele mjaft të mira- me sa kam parë! Them se ia vlejnë.

Cili është vendi të cilin nuk do të dëshironit ta vizitonit më dhe në të cilin keni kaluar edhe çaste të vështira?

Unë me tim shoq, pavarësisht se ia kaluam bukur në Brazil, nuk do të dëshironim të ktheheshim më atje!

Nga biseda që kemi bërë bashkë më keni treguar se jo gjithmonë shtetet ku udhëton janë shumë të qeta. Cilat janë shtetet ku turistët nuk kanë siguri dhe cilat janë disa nga masat që duhet të marrim për të përballuar situata të pakëndshme?

Sa më i varfër një vend, aq më shumë turistët nuk janë të sigurt! Në këto raste këshilloj si domosdoshmëri që turistët të prenotojnë ose guidë vendase ose të shkojnë me agjensi nga Shqipëria! Mund të kenë edhe pasoja fatale kur nuk merren të tilla masa, më besoni!

Na listo 10 vendet më të paqta për turistët dhe 10 vende që nuk janë të sigurta?

Ka institucione që merren me këto punë, nuk është e  thjeshtë! Listimet dhe klasifikimet mund t’i gjejë vetë çdo turist- mjafton të kërkojë në internet. Varet edhe nga përvojat personale! Por, nga c’kam parë vetë, ndër vendet më të sigurta me janë dukur Singapori, Japonia, gjithë vendet e Evropës pa përjashtim, gjithë vendet e Amerikës Veriore, pavarësisht çfarë mendojnë apo thonë turistët e tjerë.

Jo shumë të sigurt më janë dukur Brazili, Maldive jashtë rezortit, Republika Domenikane, Malajzi, Kinë, Tajlandë.

Lexo:Udhëtimet na bëjnë shumë më të lumtur se çdo pasuri tjetër materiale, sipas një studimi

Një këshillë nga Eda si një turiste e apasionuar për t’u mbrojtur në situata të rrezikshme dhe disa mënyra për të zgjedhur një vend të sigurt për të udhëtuar.

Këshilla ime?! Thjesht udhëtoni sa më shumë! Merrni informacionet e nevojshme paraprake, pyesni miqtë që kanë qenë dhe, nëse duhet- prenotoni guidë vendase. Si bëhet kjo? Ose që nga shtëpia përmes internetit, ose kur shkoni në vendin përkatës- në recepsionin e hotelit kërkohet një gjë e tillë! Gjithmonë hotelet janë shumë miqësore dhe të ndihmojnë! Ata të këshillojnë edhe se ku duhet të shkosh apo të mos shkosh! Unë përherë e bëj këtë kudo që shkoj! Funksionon më së miri dhe mbetem përherë e kënaqur!

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale