E-Albania tashmë ofron shërbimin elektronik “Certifikatë pronësie e mjetit”


Një ndihmë plus nga portali unik qeveritar e-Albania për qytetarët apo bizneset që zotërojnë automjete.

Shërbimi elektronik “Certifikatë pronësie e mjetit”( https://e-albania.al/sherbimi.aspx?kodi=5018) u mundëson të interesuarve që të shohin dhe të shkarkojnë online certifikatën e pronësisë së mjeteve që ata zotërojnë, duke ndjekur disa hapa të thjeshtë si regjistrim/identifikim në portal, zgjedhjen e shërbimit dhe mandej përdorimin e tij.

Tani shërbimi vjen me një risi pasi certifikata online shoqërohet me vulë dixhitale që e bën atë dokument të përdorshëm me vlerë ligjore duke e printuar drejtpërdrejt nga portali.

Baza Ligjore:
– Ligji nr. 8378, date 22.07.1998, Kodi Rrugor (i ndryshuar)
– VKM nr. 153, date 04.07.2000, Rregullore në zbatim të Kodit (i ndryshuar)

Dokumentacioni i nevojshëm
Dokumenti i identifikimit të përdoruesit; kartë identiteti ose pasaportë biometrike (i nevojshëm për t’u loguar në portalin e-Albania).

Hapat e procedurës
Për të marrë shërbimin online:
– Regjistrohuni si qytetar ose si biznes në portal
– Zgjidhni shërbimin “Publikimi i certifikatës së pronësisë së mjetit”
– Klikoni butonin” Përdor”
– Zgjidhni mjetin për të cilin dëshironi të shikoni certifikatën e pronësisë dhe klikoni butonin “Zgjidh” përkrah tij.

Koha e nevojshme për marrjen e shërbimit
Menjëherë

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale