Presidenti amerikan, Donald Trump është nominuar për çmimin Nobel të Paqes 2021, vetëm disa javë pasi ndihmoi për të ndërmjetësuar paqen midis Izraelit dhe Emirateve të Bashkuara Arabe.
Kandidatura e Trump u propozua nga Christian Tybring-Gedde, anëtar i parlamentit norvegjez. “Për meritën e tij, unë mendoj se ai ka bërë më shumë se çdo kandidat tjetër për çmimin Nobel, për të vendosur paqe mes vendeve”, u shpreh Christian Tybring-Gedde.
Në letrën e tij dërguar komitetit të Nobelit, ai shkruan se administrata e Trump ka pasur një rol kyç në vendosjen e marrëdhënieve mes dy vendeve.
Kjo është hera e dytë që Trump propozohet për çmimin Nobel. Në vitin 2018, Christian Tybring-Gedde së bashku me një norvegjez tjetër, e propozuan Trump për çmim Nobel, pas samiti të Presidentit në Singapor me Kim Jon Un, diktatorin e Koresë së Veriut.
Presidenti Trump të enjten (3 shtator) lajmëroi se Izraeli dhe Emiratet e Bashkuara Arabe kanë firmosur një marrëveshje paqe, për normalizimin e marrëdhënieve mes tyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
