Dhjetëra të rinj nga qyteti i Kukësit bëhen pjesë e programit të komunikimit TalkUP - Business Magazine Albania

Dhjetëra të rinj nga qyteti i Kukësit bëhen pjesë e programit të komunikimit TalkUP

TalkUP

Një program që synon të ulë barrierat e komunikimit dhe të rrisë mundësinë e të rinjve për të patur rezultate më të mira në shkollë, në marrëdhëniet shoqërore, por edhe ato familjare.

Studimet të UNICEF gjatë pandemisë, kanë treguar se kjo periudhë ka dëmtuar shumë të rinjtë, duke krijuar një presion të rënduar psikologjik tek ta. Krahas shqetësimeve të tyre të moshës, ndryshimeve fizike, pandemia shtoi pasiguritë dhe presionin e ardhur nga familja dhe shkolla. Kufizimet fizike kanë frenuar të rinjtë të komunikojnë me njëri-tjetrin, duke iu mbivedosur kështu edhe prirjes së gjeneratës Z, për të komunikuar përmes teknologjisë dhe jo drejtpërdrejt.

Për këtë arsye, programi i komunikimit të qendrës Kallz, nisur një vit më parë në Tiranë, është zhvendosur këtë muaj në Kukës, duke përfshirë të rinjtë e interesuar të qytetit verilindor.

Gjatë ditës së Shtunë, në disa seanca interaktive, mes komunikimit të ndërsjelltë dhe lojërave të shumta, të rinjtë dhe trajnerët e qendrës Kallz u angazhuan të reflektojnë dhe të shikojnë të njëjtën siuatë në këndvështrime të ndryshme, të lexojnë sjelljet dhe format e komunikimit.

TalkUP është një program që mbështetet nga sipërmarrje ose individë dhe përmban brenda tij nismën “Të rinjtë për të rinjtë”, duke mundësuar kështu fuqizimin e të rinjve në shkolla, përmes mbështejes së të rinjve tashmë të sistemuar në punë apo në karrierë.

Kësaj radhe programi TalkUP mbështetet nga tre të rinj, të cilët vijnë pikërisht nga kjo, zonë por jetojnë dhe punojnë larg vendit. Ndriçim Hasa, Islam Kovaçi dhe Zekri Picari, janë të rinjtë që mbështesin këtë program. Ata do të bëhen pjesë e programit edhe përmes një komunikimi online me adoleshentët, ku do të tregojnë rreth rrugëtimit të tyre, sfidave dhe realizimit të tyre në punë. Ndiçim Hasa thotë se, “të rinjtë meritojnë shumë dhe ne u detyrohemi bashkëqytetarëve tanë”. Ndërsa z.Kovaçi, thekson se, “fuqizimi i të rinjve është një mundësi për ata, për një të ardhme më të mirë, por njëkohësisht edhe për zonën”. Për Zekri Picarin, “fjala ka rëndësinë e saj të paçmuar, e cila kombinuar me sjelljen e duhur, na bën të denjë në shoqëri dhe na mundëson të bëjmë zgjedhjet e duhura, të nisim një sipërmarrje, karrierë, apo edhe të angazhohemi në politikë, për të dhënë më të mirën tonë”.

Lexo: TalkUP, në finale me 10 të rinj nga Durrësi dhe Tirana

Dita e parë e trajnimit u zhvillua në një nga sallat e Pallatit të Kulturës, falë mikpritjes së Bashkisë Kukës dhe do të vijojë gjatë muajit Shkurt.

Një vit më pare programi në Tiranë, i cili përfshiu nxënës nga Tirana dhe Durrësi, u mbështet nga drejtues të dy sipërmarrjeve që operojnë në Tiranë, FastCall dhe MrPotatoFood.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0