TalkUP, në finale me 10 të rinj nga Durrësi dhe Tirana - Business Magazine Albania

TalkUP, në finale me 10 të rinj nga Durrësi dhe Tirana

TalkUP

Finalizohet programi i komunikimit të të rinjve “TalkUP”. Në dy muaj rrugëtim, çdo fundjavë, të rinj nga shkolla të ndryshme nga Tirana dhe Durrësi u sfiduan për të krijuar baza më të forta të një komunikimi cilësor dhe konstruktiv. Grupi i të rinjve të përzgjedhur mes rreth 70 aplikantësh, u njoh me teknikat e komunikimit dhe efektet e tij përmes lojërave individuale dhe në grup.

Arjola, një prej finalisteve, tregon se ishin mbresëlënëse refleksionet në fund të ccdo dite. “Gjatë këtij trajnimi kuptova rëndësinë e të dëgjuarit të një bisedë, pa pasur nevojë domosdoshmërisht të jap opinion apo gjykim. Kjo është diccka që shpesh mungon nga pala tjetër kur jam në komunikim, ndaj do të jem më e vëmendshme, që pikësëpari të jem një dëgjuese e mirë”.

I konceptuar në një formë argëtuese e të relaksuar, trajnimi u zhvillua gjatë të shtunave nga Qendra Multifunksionale Kallz.

Gjatë këtij aktiviteti, ata patën mundësi të njihen me mundësitë që sjell në komunikim një mendësi e hapur. Duke u ndërgjegjësuar për aftësitë dhe limitet e tyre ata tashmë kanë prientuar fokusin aty ku duhet të përmirësohen.

Grupi ambizios i të rinjve nga Tirana dhe Durrësi zhvilloi gjatë javës së kaluar edhe një takim me sipërmarrësin Uran Derri. Ndërsa Urani ishte i gatshëm të ndante me të rinjtë sfidat e tij dhe zgjedhjet që ai bëri në moshën e tyre, të rinjtë nga ana tjetër treguan kuriozitet rreth ndërveprimit të tij me ortakë, klientë, familjarë e miq. Sipas Uranit, “transparenca në komunikim është ndër format më frytdhënëse për baza të shëndosha shoqërore apo pune”.

 

TalkUP u finalizua me një vizitë në ambientet e Bukinist dhe një bisedë me menaxherin e saj Albert Gjoka.

Lexo: 6 arsye përse ndodhin keqkuptimet

Gjoka theksoi se pandemia ka rritur sfidën e komunikimit mes nesh, dhe në veccanti mes adoleshentëve. Por ai kujtoi gjithashtu se libri është një ndër miqtë më të mirë të njeriut. “Libri është aty edhe në rastet më të vështira dhe ne e kuptuam këtë që në ditën e parë të karantinës, kur kërkesa për libra u trefishua”, tha ai.

Programi, i cili synon t’u mundësojë të rinjve të përballojnë më lehtësisht bisedat me familjarë, bashkëmoshatarë apo edhe mësues, u mbështet nga miq të Kallz, si Fastcall, Mr. Potatofood, Businessmag, Albacademy dhe Bukinist.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0