Dështimi mund të jetë i mirë për biznesin tuaj

Dështimi mund të jetë i mirë për biznesin tuaj


 

Askujt nuk i pëlqen dështimi. Por kur liderët e biznesit diskutojnë sukseset e tyre, ata ja nisin së pari nga dështimi.

Julie Wainwright, ishte shefja ekzekutive e Pets.com, një startup interneti i cili nuk i mbijetoi fluskës teknologjike 2000 dot-com. Dështimi, thotë ajo, do t’ju mësojë thellësinë e këmbënguljes tuaj dhe mund të zbulojë se ju keni “më shumë forcë të brendshme, më shumë këmbëngulje, më shumë grint … sesa keni menduar ndonjëherë”.

Pas eksperiencës së saj me Pets.com. Wainwright nisi të krijojë një kompani të suksesshme online për veshje. “Pasi të dilni në anën tjetër të dështimit, “tha ajo,”do të kuptoni se jeni përballur me frikën tuaj më të madhe dhe ja dolët. Ana tjetër e dështimit është një eliminim i madh i frikës nga dështimi”.

Po njësoj, autorja J.K. Rowling thotë se përpara se të bëhej e suksesshme me librat Harry Potter, dështimi i saj e formësoj atë si person. “Dështimi për mua ishte çrrënjosja e të parëndësishmes,” thotë Rowling. “Unë isha e lirë, sepse frika ime më e madhe u largua, dhe unë isha akoma gjallë. Humnera e jetës sime u bë baza e fortë mbi të cilën unë rindërtova jetën time. ”

Bizneset që rezultojnë nga dështimi vlerësohen nga industria e teknologjisë. Kompanitë e dështuara dalin nga rruga ku ndodhen për të ndarë më pas historitë e tyre dhe mësimet që ata kanë mësuar.

Në X, fabrika e idesë së Google, drejtori Astro Teller shkon aq larg sa përdorë shpërblime për të inkurajuar punonjësit e tij të dështojnë. “Fabrika jonë është një vend i ç’rregullt,” thotë ai, “por në vend që të shmangim rrëmujën dhe të pretendojmë se nuk është atje, ne jemi përpjekur ta bëjmë atë forcë tonën. Ne shpenzojmë pjesën më të madhe të kohës duke thyer gjërat dhe duke u përpjekur të dëshmojmë se jemi të gabuar “.

Në një diskutim të kohëve të fundit mbi përfitimin e papritur të pranimit të dështimit, Teller shpjegoi se ai i inkurajon punonjësit që të përqafojnë dështimet, sepse dështimi ju detyron të ndryshoni perspektivën tuaj dhe “nganjëherë”, thotë ai, “ndryshimi i perspektivës është më i fuqishëm sesa të qenit i zgjuar. ”

/ShareAmerica

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0