Derek Andersen: “Muaji Maj solli në skenën e Startup Grind femra dhe lidere të suksesshme”


Derek Andersen themelues i Startup Grind ka treguar në një njoftim se muaji Maj ishte mjaft frymëzues, pasi solli në skenat mbarë botërore të Startup Grind, udhëheqëset më të mira dhe më të suksesshme femra.

Ai madje tregon fuqinë e femrës duke përmendur që në 150 evente të zhvilluara në 60 vende, mbi 200 femra janë intervistuar dhe me mbi 8500 persona janë mbledhur për të ndjekur eventet në muajin Maj! Gjatë kësaj periudhe mbi 500 persona kanë shtuar dritaren “Female Leaders” në fotot e tyre të profilit në Facebook. Janë prodhuar mbi 200 orë përmbajtje nga këto femra të suksesshme për të edukuar dhe trajnuar liderë për dekadat e ardhshme. Me 202 evente live në vetëm në një muaj është gjithashtu një rekord për Startup Grind, thekson Derek.

Lexoni: Si arriti Derek Andersen të bëhej një sipërmarrës që ndikon në jetën e 10 milionë njerëzve çdo muaj?

Ai madje thotë se sa e mahnitshme do të ishte nëse në vitin e ardhshëm do të ishin 100% folëse femra në muajin Maj.

Ky event organizohet në çdo cep të botës nga Pekini, Somalia, Melburni, New York e deri tek qyteti i preferuar i të gjithëve, Barcelona.

Këto përpjekje janë udhëhequr në selinë e një ekipi ku pjesa dërrmuese janë femra. I vetmi ekip në Silicon Valley ku meshkujt shqetësohen që zëri i tyre është paksa i ndrydhur. Udhëheqëset tona femra po udhëheqin lëvizjen tonë,” thotë Derek.

Ai thekson se shumë kompani të mëdha publike nuk e kanë këtë frymë dhe janë shumë larg asaj që ky komunitet dëshiron të bëjë. Madje i frikësohen përpjekjeve të tyre të bashkuara.

Ashtu sikurse ky komunitet kërkon t’i lejë vendin e vet femrës, të njëjtën gjë duhet të bëjnë kompani dhe organizata, ku diversiteti gjinor duhet të jetë në qendër të vëmendjes, pasi është një çështje shumë e rëndësishme që na përket të gjithëve.

Lexoni: Nuk është vetëm Google – shumë kompani po luftojnë me diversitetin në vendin e punës

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale