Dario Hani, djaloshi 20 vjeçar nga Shqipëria, publikon 3 libra në Amazon - Business Magazine Albania

Dario Hani, djaloshi 20 vjeçar nga Shqipëria, publikon 3 libra në Amazon


Dario Hani është djaloshi 20 vjeçar nga Shqipëria, i cili ka publikuar 3 libra në Amazon. Ai momentalisht po studion për Ekonomi në Universitetin Ca Foscari në Venecia, Itali. Gjithashtu, Dario është bashkë-krijues dhe drejtues aktiv i Kapitalit Intelektual Studentor Shqiptar “KISS the future” i Fondacionit Innovation Value Albania “IVA” Startup Nation Ecosystem.

Librat e publikuar në Amazon nga ai janë “So Simple”, “No One’s Property” dhe “The Want”. Librat janë elektronikë dhe mund të lexohen nga çdo pajisje e lidhur me internetin.

Unë e studioj çdo ditë sipërmarrjen dhe zhvillimin personal. Në këto libra mendoj se është shkruar çdo gjë që një të riu i duhet,” thotë për BusinessMag Dario.

Libri “So Simple” na qartëson për gjërat që duam dhe na rikthen dëshirën që të gjithë kishim si fëmijë. Libri “No One’s Property” shpjegon gjithë sistemin e parave në botë dhe si ne mund të bëhemi pjesë. Libri i tretë, “The Want” shpjegon se si mund të fillojmë të ndjekim atë që duam edhe pa e ditur se si duhet të fillojmë.

“Stili im i shkrimit është i kuptueshëm. Mendoj se librat më të shitur kanë pikërisht këtë veti, pasi të gjithë njerëzit mund të marin diçka teksa lexojnë,” thotë Dario.

Lexoni tjetër: Dario Hani, një “Business Mogul” i ardhshëm

“E gjithë eksperienca ndër vite e autorit fitohen me një lexim. Çdo fjalë në librat e mi është autentike dhe janë të gjitha besime me të cilat jetoj dhe flas me dëshirë,” shprehet ai.

Librat janë vetëm në Amazon, duke qenë portali më i madh sot. Dario është kujdesur për publikimin dhe të drejtat e autorit. Librat janë falas për të abonuarit Kindle dhe kushtojnë vetëm 3 dollarë për gjithë të tjerët.

Sipas Darios interesi ka qenë i lartë dhe mbi pritshmëritë. Shitjet i kanë kaluar në total 800 dhe janë në vazhdim edhe ndër vite.

Këto janë librat e tij të parë në gjuhën angleze, pas librit të tij të parë në shqip “Suksesi nuk është rastësi”.

Dario mbyll intervistën për BusinessMag duke thënë se “Feedback-u ka qenë ai që prisja dhe të gjithë më falenderuan që shkruajta. Jam përherë i hapur të flas nga afër ose përmes mesazheve me çdo njeri rreth librave. Çdo mendim për librin më pëlqen, pasi do të më ndihmojë në librat e ardhshëm. Unë e jetoj suksesin çdo ditë dhe dua ta bëj të prekshëm për këdo. Tek zhvillimi personal dhe sipërmarrja shoh shumë ngjashmëri, ku më kryesorja është se ata që kanë patur sukses kishin besim të fortë dhe vese që ndihmonin”.

Librat mund t’i gjeni më poshtë:

No One’s Property: Savings are just about priorities
The Want: Start without knowing how 
So Simple: How to simplify anything in your life

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0