Mes librave të të rinjve në vend, do të hasni atë të studentit Dario Hani. Një djalë mjaft i interesuar për fushën e biznesit, aq sa i kushtoi edhe një libër.
Nëse i jeni futur fushës së biznesit, atëherë ky libër do të jetë një këshillues dhe mik i mirë i juaji gjatë rrugëtimit të karrierës suaj në këtë fushë, që falë këtij libri kuptova që është dhe më interesante se nga duket.
I strukturuar si një “manual” i vogël, çfarë e bën këtë libër akoma edhe më të pëlqyeshëm, është fakti që autori ka përfshirë edhe eksperienca personale në këtë “business guide”, diçka që e bën lexuesin të ndihet akoma edhe më i kuptuar, e në të njejtën kohë akoma edhe më i frymëzuar.
Pra, nëse jeni në kërkim të diçkaje për të lexuar dhe në mendje bashkëjetoni me shifrat, ky libër do të jetë një nga zgjedhjet tuaja.
Sigurisht që për t’u thelluar në libër dhe për të marrë maksimumin që kjo punë ofron duhet të jeni paksa të njohur me termat që përdoren në botën e biznesit, por kjo nuk do të thotë që libri nuk mund të lexohet dhe nga një grup njerëzish të cilët, nuk janë dhe aq të familjarizuar me terma marketingu apo reklamimi.
Diçka që ia vlen për t’u përmendur është dhe fakti që vetë autori kur vjen tek pjesa se çfarë e bën një biznes të ecë mbarë dhe të korrë sukses është i vendosur se një nga faktorët kyçë është marketingu. Reklamimi që i bëhet biznesit. Ideja që nganjëherë duhet shpenzuar më shumë mbi marketingun, pra reklamimin e produktit, sesa duhet harxhuar për prodhimin e tij.
Dario këshillon që në biznes ecet edhe me algoritma, llogaritje, studime tregu etj, sepse nganjëherë instikti apo ajo logjika mbi të cilën bazohesh gjithmonë, ka raste kur mund të të lërë në baltë, prandaj duhen marrë të gjitha masat e duhura, të cilat vijnë si pasojë e përllogaritjeve të mirëmenduara, të cilave autori iu ngre peshë.
Më shumë se një libër për në bibliotekë ky është një libër edukativ, të cilin sipërmarrësit që aspirojnë të shndërrohen në njerëzit më të suksesshëm në fushën e tyre, duhet ta marrin dhe ta lexojnë faqe për faqe e fjalë për fjalë, pasi me të vërtetë të zhvillon dhe edukon mbi koncepte të reja, të cilat janë fitimprurëse mbi të gjitha.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
