CV dhe Rezymeja, nga ndryshojnë dhe kur përdoren? - Business Magazine Albania

CV dhe Rezymeja, nga ndryshojnë dhe kur përdoren?


“Hmm, çfarë është një CV?” është një pyetje që punëkërkuesit ia bëjnë shpeshherë vetes së tyre. Ndër 10 profesionistë, shanset janë të larta që vetëm 1 ose 2 prej tyre të të japin përgjigjien e vërtetë. Lajmi i mirë është se, ti je një prej atyre njerëzve të paktë, i cili jo vetëm që e di se çfarë kuptimi kanë ato 2 gërma, por do të mësojë krahasimin e CV-së me rezymenë, dhe nëse duhet ta ketë ose jo një të tillë.

Çfarë është një CV?

Curriculum Vitae, së cilës i referohemi me shkurtimin CV, është një term latin që do të thotë ‘rrjedha e jetës’.

Ndryshe nga rezymeja, e cila liston historinë dhe eksperiencën e punëve, së bashku me një përmbledhje të shkurtër të aftësive dhe arsimimit tënd, CV është një dokument më gjithëpërfshirës. Ajo shkon përtej vetëm përmendjes së eksperiencave të arsimit dhe punës dhe zakonisht liston me detaje të arsyeshme arritjet e tua, çmimet, nderimet dhe publikimet, kur po rekrutoheni për një staf mësimdhënie në universitet. Ndryshe nga rezymeja, e cila rrallë zë më shumë se një faqe formati, CV mund të jetë 2, 6 ose 12 faqe, në varësi të arritjeve të tua profesionale.

CV janë në radhë të parë popullore në qarqet akademike, pasi studentët e sapodiplomuar shpenzojnë shumë përpjekje për të ‘publikuar’ punën e tyre gjatë këtyre viteve të post-diplomimit. Ndërsa institucionet më të larta të arsimimit pa dyshim që vlerësojnë notat dhe pikët e testimit të kandidatëve potencialë, ata kanë gjithashtu dëshirë të shikojnë se ku ka aplikuar një kandidat.

Disertantët në kërkim të mbrojtjes së titullit “Doktor” nuk kanë rezyme, por CV.

OK, vetëm akademikët e përdorin?

Në fakt, nuk janë vetëm ata që zgjedhin dokumentat e gjatë përpara një rezymeje. Faqja online Undercover Recruiter shpjegon se si rezidentëve në SHBA dhe Kanada u nevojitet një CV nëse janë duke aplikuar për një punë jashtë shtetit të tyre të banimit, veçanërisht në Mbretërinë e Bashkuar, Irlandë dhe Zelandën e Re. Në këto vende, “një CV përdoret në të gjitha kontekstet dhe rezymetë nuk gjejnë fare përdorim.” Mbi të gjitha, “CV mbizotëron në kontinentin e Europës dhe madje ekziston një format i Bashkimit Evropian i disponueshëm për shkarkim,” një template shumë i dobishëm nëse je i/e paqartë në lidhje me shkrimin e një CV-je.

Ku qëndron ndryshimi midis një CV dhe rezymesë?

Përgjigjia shkurtimisht: Gjatësia.

Përgjigjia gjatë: CV është statike në sensin që nuk është një dokument që duhet të personalizohet për pozicione të ndryshme në mënyrën që funksionon rezymeja. Sipas UNC Writing Center, “CV është një vështrim i përgjithshëm i detajuar i arritjeve në jetën tuaj, sidomos përfshin ato më të rëndësishmet nga sfera akademike,”; CV e një studenti të sapodiplomuar në hapat e parë do të jetë më e shkurtër se e një studenti i cili ka 6 vite që studion dhe po përgatitet për disertacion.

Dokumenti ndryshon vetëm me rritjen e arritjeve të tua, ti publikon gjetjet e një studimi shkencor, ose një histori të shkurtër ose merr një çmim për Mësimdhënie të Asociuar, ndërsa një rezyme mund edhe duhet të modifikohet shpeshherë gjatë kohës që kërkon për punë dhe aplikon për kompani dhe pozicione të ndryshme. Inkurajohet shkrimi i një rezymeje të personalizuar për çdo punë që aplikon, sado që kompani të ndryshme mund të kenë të njëjtin përshkrim pune të një vendi vakant.

Por kur ta dish se cilën prej tyre duhet të përdorësh?

Për fat të mirë, nëse je konfuz/e se me çfarë t’ia nisësh, ki parasysh se pothuajse çdo punë për të cilën aplikon do të të tregojë se çfarë të nevojitet. Kur aplikon për një punë në Nju Jork, ose Minneapolis ose Austin, ka gjasa se do të të bëhet e qartë se çfarë kërkohet me aplikimin tënd. Do të kuptosh se në varësi të vendit se ku po aplikon (brenda apo jashtë shtetit) do të të komunikohet se çfarë nevojitet për t’u marrë në konsideratë nga ana jote, një CV ose rezyme.

Nëse je vërtet në dyshime për atë që nevojitet, është mirë të pyesësh drejtëpërsëdrejti personin e kontaktit, “A preferoni një rezyme apo CV? (Dhe në Amerikë, përgjigjia do të jetë kryesisht një ‘rezyme’ pasi rekrutuesit nuk shpenzojnë më shumë se 6 sekonda për ta parë atë gjithsesi.)

Ja pra, gjithçka që duhet të dije për ndryshimet midis një CV-je dhe rezymeje.

 

/Shkruar nga  Stacey Gawronski dhe publikuar nga Motto.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0