Coca-Cola në bisedime për të prodhuar pije me marihuanë - Business Magazine Albania

Coca-Cola në bisedime për të prodhuar pije me marihuanë


Gjigandi i pijeve me bazë në Atlanta zbuloi për mediat se është në “bisedime serioze” me prodhuesin kanadez të marihuanës, Aurora Cannabis, për të prodhuar pije me kanabis, ndërsa shitjet e produkteve tradicionale vazhdojnë të ngadalësohen. Me interes është CBDs, përbërësi jo-psikoaktiv në marihuanë që ndihmon në zbutjen e dhimbjes, por që nuk përbën problem për organizmin.

Lexoni: Doni të dini çfarë i bën Coca Cola stomakut tuaj?

Në një deklaratë për Bloomberg është thënë:

“Ne jemi duke parë nga afër rritjen e CBD jo-psikoaktive si një përbërës në pijet në mbarë botën,” tha zëdhënësi i Coca-Cola, Kent Landers në një deklaratë me email për Bloomberg News. “Kjo taktikë po evoluon shpejt, por asnjë vendim nuk është marrë në këtë kohë që po flasim.”

Bloomberg vë në dukje se shumë prodhues të pijeve po e konsiderojnë shtimin e kanabis si një përbërës ndërsa bizneset e tyre tradicionale po ngadalësohen:

Muajin e kaluar, prodhuesi i birrës Corona, Constellation Brands Inc. njoftoi se do të shpenzojë 3.8 miliardë dollarë për të rritur aksionet e saj në Canopy Growth Corp, prodhuesi kanadez i marihuanës me një vlerë që tejkalon 13 miliardë dollarë.

Molson Coors Brewing Co. po fillon një ndërmarrje të përbashkët me Hexo’s Quebec Corp, i njohur më parë si Hydropothecary Corp, për të zhvilluar pije kanabis në Kanada. Diageo PLC, krijues i birrës Guinness, po bën diskutime me të paktën tre prodhues kanadezë kanabis për një marrëveshje të mundshme, raportoi BNN Bloomberg muajin e kaluar. Heineken NV’s Lagunitas ka lançuar një markë me pijë joalkolike të mbushur me THC, përbërës aktiv i marihuanës.

Lexoni: Coca Cola vjen me një tjetër ndryshim në dizajnin e saj

Është e qartë që asnjë kompani pijesh nuk dëshiron të mbetet prapa. Dhe ndërsa marihuana është ende e paligjshme në nivel kombëtar në SHBA, produktet e derivuara CBD që trajtojnë sëmundjet duke përfshirë dhimbjen kronike, ankthin dhe epilepsinë, po fitojnë shpejt pranimin. Pyetja që ngrihet është: A do të jetë Pepsi kompania e radhës?

burimi: Entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0