Cila është sfida për udhëheqësit e së nesërmes?


Ne gjithmonë i dëgjojmë njerëzit tek ankohen për korportat e mëdha: si drejtuesit po bëjnë miliarda dhe punonjësit nuk marrin asgjë. Si bankat e mëdha dhe investitorët institucionalë kanë të gjithë ndikimin dhe investitorët individualë marrin fundin e gjërave. Shumë e përdorin këtë si motivim për të filluar biznesin e tyre.

Nëse je një prej tyre, do të mësosh në mënyrë të pashmangshme se është shumë më e vështirë në realitet sesa duket nga distanca. Por kjo nuk duhet t’ju pengojë që të bëni më të mirën. Nuk mund të mendoj për ndonjë arsye më të mirë kur filloni sipërmarrjen tuaj sesa t’i tregoni botës se mund të bëni më shumë se ata që erdhën para jush. Kjo është sfida ime për ju.

Lexoni: Arti i Mentorimit: 3 hapat për krijimin e liderëve të biznesit

Duhet ta pranoni? Unë e bëra. Dhe ndërsa fillova si shumica e të rinjve më arrogant dhe më i sigurtë se sa duhet të isha në të vërtetë – kam kuptuar se përulësia dhe ndjeshmëria është thelbësore për ata që udhëheqin.

Drejtimi i çdo gjëje – i një biznesi, i një departamenti, korporate etj – është një punë shumë e mirë. Asgjë nuk është më sfiduese ose më e kënaqshme. Asgjë nuk ju bën të ndiheni më të gjallë. Shumë prej nesh jetojnë për këtë gjë. Nëse kjo ju përshkruan, atëherë ndoshta një ditë do të jetë radha juaj. Mos harroni ky është vetëm fillimi. Kjo është pjesa e lehtë. Pjesa e vështirë është të qenit i suksesshëm në të, deri në fund.

Në biznes ashtu si në jetë asgjë nuk është statike. Shumica zgjedhin të ndjekin të tjerët. Por edhe kur ndiqni çdo gjë që bëjnë liderët e mëdhenj është një strategji me të meta, do të përfundoni vetëm si një kopje e shëmtuar e tyre.

Kur doli në fillim biografia e Steve Jobs nga Walter Isaacson, të gjithë u përpoqën të imitonin njeriun që ai ishte dhe stilin e tij të menaxhimit. Ata u përpoqën të imitonin çdo gjë të tij. CEO-t madje blenë kopje të librit për ekipet e tyre që kishin në menaxhim për ta studiuar.

Ndërsa besoj se shumë nga filozofitë e Jobs-it janë thelbësore, thjesht nuk mund të kopjoni talentin dhe mençurinë. Kjo vjen nga ADN-ja dhe përvoja juaj, të cilat janë unike për çdo individ. Ju mund të mësoni nga të tjerët, por nuk mund t’i kopjoni ata.

Lexoni: Si arrijnë liderët të ndërtojnë ekipet më të mira?

Lei Jun, CEO i krijuesit kinez të smartphone-ve Xiaomi, është një fans i Jobs-it që imiton udhëheqësin ikonik deri në këmishën e zezë dhe xhinset që ai vishte. New York Times dikur e quajti atë një Steve Jobs nokaut. Nuk është rastësi që disa kanë thënë të njëjtën gjë për produktet e Xiaomit.

Ndërsa imitimi mund të jetë forma më e sinqertë e lulëzimit, nuk është mënyra më e mirë për të ndërtuar një karrierë apo për të drejtuar një kompani. Ish-drejtuesi i marketingut i Apple, Allison Johnson dikur u tha një auditori sipërmarrësish: “Ajo që Steve bëri më mirë se çdokush tjetër është se ai ishte vetja e tij. Ne nuk kemi nevojë për më shumë Apples. Ne kemi nevojë për më shumë njerëz që janë origjinalë.”

Sipërmarrësit e suksesshëm janë vetëvetja. Dhe kultura që ata krijojnë pasqyron parimet e tyre, metodat e tyre, ADN-në e tyre unike. Nga këtu vijnë edhe risitë e tyre.

Sikur Jobs, John Mackey dhe Howard Schultz të vendosnin të ndiqnin të tjerët në vend që të dilnin dhe të krijonin Apple, Whole Foods dhe Starbucks, do të ishim të gjithë duke përdorur BlackBerrys, duke blerë në Safeway dhe duke pirë kafe Folgers.

Jo për të krahasuar veten me ata liderë ikonë, por unë fillova me asgjë, ashtu siç bënë ata. Duke parë mbrapa, është e habitshme se sa larg mund të arrijë një person në jetë. Kapaciteti njerëzor për të mësuar dhe për të arritur shumë gjëra mund të jetë i jashtëzakonshëm në kushtet e duhura. Vështirësitë dhe konkurrenca me siguri mund të jenë nxitës të fuqishëm, nëse mësoni t’i përqafoni ato.

Lexoni: 7 këshilla për sipërmarrësit e së nesërmes nga liderët më të mëdhenj

Ndërsa vazhdoni udhëtimin tuaj në karrierë, këshilla më e mirë që unë mund t’ju jap është të bëni ashtu siç ata kanë vepruar. Bëhuni vetja juaj. Gdhendni rrugën tuaj. Kurrë mos ndaloni të përpiqeni për përsosmërinë. Më e rëndësishmja, zgjidhni të udhëhiqni, mos ndiqni. Mbani mend, vetëm individë të veçantë që guxojnë të shkatërrojnë gjendjen ekzistuese mund të na çojnë në të ardhmen.

A do të jesh ti një prej tyre?

burimi: Entrepreneur

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale