Kur ju ringarkoni një faqe, shfletuesi i bën me qindra kërkesa rrjetit vetëm për të parë nëse imazhet dhe burime të tjera që ju keni parë, kur keni shkuar për herë të parë në faqe janë ende të vlefshme.
Inxhinieri i Google, Takashi Toyoshima vuri në dukje në njoftim se përdoruesit zakonisht i ringarkojnë faqet, sepse ato duken të vjetra ose për shkak se përmbajtja duket se nuk është përditësuar. Ai argumenton se kur zhvilluesit e shfletuesit e shtuan këtë funksion ishte kryesisht për arsye se faqet “e prishura” ishin të zakonshme. Sot, përdoruesit kryesisht ringarkojnë faqet për shkak se përmbajtja e një faqe interneti duket e “ndenjur”.
Për të kapërcyer këtë problem, skuadra e thjeshtoi sjelljen e ringarkimit të Chrome. Facebook, ashtu si faqet e tjera, thotë se faqet e saj tani ringarkohen 28% më shpejtë, kështu që herën tjetër që ju doni të kontrolloni në qoftë se shokët tuaj më në fund kanë postuar foto të reja, tani ju do të merrni një përgjigje më të shpejtë.
Burimi: techcrunch.com
