Bëjeni muajin Tetor të paharrueshëm duke ndjekur këto evente


VisitTirana

Tetori është një periudhë e artë, më e bukura e vjeshtës, pasi gjethet e verdha mbulojnë qytetin dhe moti është perfekt, as shumë ftohtë as shumë nxehtë. Periudhë e mrekullueshme për aktivitete në hapësirë dhe për të ndjekur evente të shumta në Tiranë, që përgatiten si për vendasit dhe për të huajt vizitorë. Tetori është plot me evente, festivale, ekspozita, panaire, maratona sportive, koncerte, konferenca dhe shfaqje të mrekullueshme.

Është muaji ku eventet kulmojnë.  Thuajse çdo ditë është e ngjeshur dhe ju do të keni mundësi të vizitoni disa evente njëherësh. Le të eksporojmë së bashku disa prej tyre që do të ngrohin ditët tuaja me kujtime të paharrueshme.

Tirana Photo Festival
Eventi më i madh i fotografisë në kryeqytetin shqiptar. Një event që i kushtohet plotësisht fotografisë, promovimit të vendit dhe edukimit të të rinjve me pasionin për fotografinë. Eventi hap dyert më 8 Tetor 2019, ora 18.00 te Muzeu Historik Kombëtar, ndërsa ekspozita do të qëndrojë e hapur për një javë, deri më 15 Tetor 2019. Veç ekspozitës ka workshope, foto ture, forume etj. Mos e lini pa parë ekspozitën e këtij festivali.

Konferenca e Marketingut Dixhital AllWeb-2019 

Konferenca AllWeb Albania do të jetë e pranishme në edicionin e saj të katërt në Tirana Business Park në datën 17 Tetor 2019. Konferenca është e organizuar në një ditë nga ora 09:30 – 17:30 dhe mbledh brenda saj folës të njohur ndërkombëtarisht, nga bota dhe rajoni. Formati i konferencës përbëhet nga prezantime dinamike, ritëm i shpejtë, larmi tematikash dhe panele në të cilat trajtohen e tashmja dhe e ardhmja e komunikimeve dixhitale dhe zgjidhjeve inovative.

Të ftuarit në skenë ndajnë ekskluzivisht për audiencën përvojat dhe këshillat e tyre për mënyrën se si komunikimin në internet ta shndërroni në mjet në përkrahje të biznesit.

Deri më tani janë konfirmuar 6 prej folësve: Matt Desmier, Vladimir Vulic, Roger Edwards, Kirsten Jassies, Granit Doshlaku dhe Henry Leerentveld.

Për sponsorizime, bileta apo informacione më të detajuara kontaktoni me: Gerti Boshnjaku, në +355 67 20 11 531 ose [email protected] Si edhe me Darko Buldioski, në 070/ 30 70 40 ose në [email protected]. Ose mund të blini biletën tuaj në https://allweb.al/tickets/

Maratona e Tiranës
Eventi më madh dhe ndërkombëtar, ku mblidhen vrapuesit e gjithë moshave nga 40 vende të botës dhe garojnë në këtë event sportiv që zhvillohet në Tiranë. Itinerari do të përfaqësojë pikat më atraktive të qytetit duke e kthyer këtë garë në sfidë, por dhe kënaqësi. Veç sportit, kjo do jetë një ditë feste për qytetarët. Do të ketë aktivitete kulturore dhe artistike të shumta gjatë eventit.

Tre tenorë, koncert në pallatin e Kongreseve, 3 Tetor, ora 19:00
Një nga koncertet më të bukura në Tiranë dhe të shumëpritura, ku do të ketë muzikantë shqiptarë dhe të huaj për gjithë dashamirësit e muzikës klasike.

Koncert rrok poshtë kurorës së ullirit
Një koncert fantastik nga këngëtarët e njohur shqiptarë: Aleksandër Gjoka, Elton Deda, Redon Makashi, Eneda Tarifa, Flaka Krelani dhe Kastriot Tusha. I ftuar special, Kristos Dantis. Me 8 Tetor te Amfiteatri i Tiranës, ora 20:00.

Tirana Kino Kabare 
Më në fund Tirana do të ketë sesionin e saj të parë Kino Kabare, një javë e kaluar me adhuruesit e filmit, ku producentët si amatorë dhe profesionistë do kenë shansin të krijojnë një video, film të shkurtër, dokumentar. Pra, çdo gjë që ju bën të ndiheni të frymëzuar për të krijuar në frymën e Kino Kabare. Bashkojuni komunitetit të madh të kinematografisë. Do takohen bashkë talentet mbarëkombëtare dhe do t’u jepet mundësia që të bëjnë filma të shkurtër për kinema.

Takoni Rusinë në Panairin Ndërkombëtar të Tiranës
Panairi zhvillohet nga 23-26 Nëntor 2019 në Pallatin e Kongreseve, Kultura ruse, traditat dhe pijet e famshme alkolike, kryesisht Vodka do të paraqiten në këtë panair.
Panairi Study Fair në Europë
Ky panair do të zhvillohet te Hilton Hotel, aty ku shumë studentë, por edhe nxënës do të ftohen të marrin pjesë për t’u njohur me mundësitë e studimit në vende të ndryshme europiane. Panairi është i hapur për të gjithë dhe për prindërit që të informohen për shkollat më të mira ku do të çojnë fëmijët e tyre. Zhvillohet nga data 24-26 Tetor tek Hilton Hotel.

Zgjidhni eventi tuaj të preferuar dhe ruani datën. Mos harroni të klikoni në portalin http://www.visit-tirana.com për të ndjekur eventet më të fundit në Tiranë dhe çdo informacion, atraksion dhe rekomandim se çfarë të bëni në Tiranë.

 

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale