Çfarë është Android TV Box dhe nga ndryshon me Dream Box? - Business Magazine Albania

Çfarë është Android TV Box dhe nga ndryshon me Dream Box?


Ku qëndron ngatërresa që bëjnë sot institucionet ligjzbatuese dhe si bëhet dallimi i këtyre dy pajisjeve.

Jemi në epokën e internetit dhe në ditët e përdorimit të pajisjeve Smart. Por, ato me të cilat çdokush është i lidhur më shumë janë smartphone-t. Teknologjia, duke parë këtë ecuri, e ka zgjeruar atë duke bërë të mundur që gjithçka njerëzit kanë në smartphone-in e tyre t’i shohin në televizorin e shtëpisë apo zyrës së tyre, për t’u ndjerë më komod nëpërmjet pajisjeve të ndryshme. Njëra prej tyre që përdoret gjerësisht në të gjithë botën është “Android TV Box”.

Prodhuesit më të njohur në treg të këtyre pajisjeve janë Google, Amazon, Apple dhe Roku. Këto pajisje janë totalisht të ligjshme dhe mund të blihen nga njerëzit e zakonshëm në portalet e ndryshme online dhe dyqanet e ndyshme elektronike kudo në botë, dhe tashmë edhe në Shqipëri.

Modelet më të përdorura dhe më cilësore janë:

AMAZON FIRE TV

GOOGLE CHROMECAST

APPLE TV

ROKU 4

Sot, “Android TV Box” është bërë një produkt shumë i populluar, i cili tregtohet në vende të ndryshme të botës.

Në tregun shqiptar tregtohen nga dyqanet e ndryshme si Neptun, Globe, Shpresa AL etj.

Si Funksionon Android TV Box

Android TV Box është thjesht një aparaturë televizive e cila e kthen televizorin tuaj në Smart TV. Kjo aparaturë bën të mundur që të njëjtin sistem operativ që secili nga ne përdor në smartphone, tablet apo pajisje të tjera, të shfaqen në ekranin e televizorit. Pra, nëpërmjet Android TV Box ju mund të navigoni në internet, të hapni faqe të ndryshme web apo të shkarkoni miliona aplikacione Android dhe t’i shikoni në televizorin tuaj duke e komanduar nga telekomanda e saj. Aplikacionet të cilat mund të shkarkohen nga Google Play Store mund të përdoren për funksione të ndryshme sipas preferencave të përdoruesit. Përdoruesi duhet të hapë një llogari Google për të shkarkuar aplikacione si YouTube, Skype, Viber, Chrome, Facebook, E-mail etj.  Pajisja në momentin që blihet vlen me disa aplikacione bazë të sistemit.

Sistemi i operimit që përdor është sistem me bazë Android, identike me të gjithë smartfonet Samsung, HTC, Huawei, Lenovo apo Xiaomi.

Pajisje të tjera, të cilat janë të ngjashme dhe disponibël në treg janë televizorët SmartTV të markave prestigjioze si Samsung dhe LG. Sistemi Android është i instaluar brenda televizorëve të gjeneratës Smart.

Përveç Android TV Box në treg ka edhe pajisje të quajtur “Dream Box”, e cila është një dekoder satelitor që ofron programacione të kanaleve të ndryshme televizive. Dream Box është produkt i ndaluar për t’u tregtuar në tregun shqiptar, por individë që merren me pirateri e fusin kontrabandë. Ata ofrojnë me anë të këtyre pajisjeve kanale me pagesë si programacionet e Digitalb, HBO, Tring, e të tjera. Këto pajisje përdoret për shfaqjen e ndeshjeve dhe programacionit me pagesë dhe janë të programuara për transmetimin e kanaleve televizive. Pra, nuk kanë përdorim të gjerë si Facebook, YouTube, Skype, etj.

Pajisjet DreamBox hyjnë në tregun shqiptar në mënyra të fshehta dhe konsiderohen të paligjshme. Por, këtu ka një ngatërresë në lidhje me këto pajisje dhe pajisjes Android TV Box.

Shpeshherë, sipas agjentëve të shitjes, këtë ngatërresë e bëjnë edhe institucionet ligjzbatuese si policia apo organi i akuzës, dhe duke mos patur informacion mbi teknologjitë e fundit, i klasifikojnë të gjitha pajisjet të cilat kanë emra përshkrues të ngjashëm me DreamBox, duke i konsideruar kështu të gjitha të paligjshme. Ky fakt është shqetësues dhe cënues, sipas operatorëve të tregut të elektronikës. Ata thonë se sipas kësaj logjike, çdo përdorues Android i bie që të futet në burg, pra gjysma e popullsisë së Shqipërisë.

Më poshtë, gjeni dallimin mes pajisjes së një Android BOX-i dhe një DreamBox-i sipas skemës.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0