CEO i këtij startup-i miliona dollarësh ka 3 këshilla nëse doni të filloni biznesin tuaj - Business Magazine Albania

CEO i këtij startup-i miliona dollarësh ka 3 këshilla nëse doni të filloni biznesin tuaj

startup-i miliona dollarësh

Kur Keith Tan hoqi dorë nga puna e tij në financë në vitin 2015, ai nuk ishte në dijeni të rrugëtimit sipërmarrës që e priste. Ajo që nisi si plan për të filluar një zinxhir kafenesh, shpejt u shndërrua në një kompani teknologjike me synimin për të përmirësuar efikasitetin në industrinë e ushqimit dhe pijeve.

Gjashtë vjet më vonë, produkti debutues i kompanisë, roboti i automatizuar i kafesë Ella, tashmë po shërben latte dhe kapuçino në stacione të caktuara treni në Tokio, Japoni. Ka plane të ngjashme për vendlindjen e tij Singaporin në vitin 2022.

Por rruga drejt suksesit përfshinte “shumë mësime”, tha CEO i Crown Digital për CNBC Make It, duke ndarë këshillat e tij më të mira për themeluesit e tjerë të mundshëm.

  1. Vlerësoni idetë tuaja me rigorozitet

Para së gjithash, është e rëndësishme të “vlerësoni me rigorozitet idetë tuaja” dhe të siguroheni që ato i shërbejnë një qëllimi.

Në rastin e Tan, kur ai projektoi Ella në 2018, nuk ishte për të sjellë një risi. Përkundrazi, ai donte të gjente një zgjidhje reale për mungesën e fuqisë punëtore që prekte kafenenë e tij dhe pikat e tjera të ushqimit dhe pijeve.

Ju duhet ta mbështesni atë me një model biznesi që është i qëndrueshëm. Një robot plotësisht autonom që mund të shërbejë kafe gjatë gjithë kohës do ta ofronte këtë zgjidhje, arsyetoi ai. Kështu që ai dhe ekipi i tij filluan të punojnë për krijimin e produktit.

Lexoni: Mos hiqni dorë nga ëndrrat tuaja! Armela Murati, gruaja e parë pilote në vend

  1. Shisni idenë tuaj

Më pas, ju duhet të mbroni idetë tuaja, qofshin ato nga bashkëthemeluesit, investitorët, punonjësit apo klientët.

“Duhet ta shesësh mirë idenë dhe të jesh i pasionuar pas saj,” tha Tan.

Kjo nuk ishte gjithmonë e lehtë, veçanërisht në ditët e para të biznesit, tha Tan, duke kujtuar vështirësinë e tërheqjes së stafit dhe investitorëve kur ai lançoi për herë të parë Crown Digital. Megjithatë, është e rëndësishme të kesh besim në idenë tënde dhe të jesh në gjendje t’ua përcjellësh atë të tjerëve.

“Kjo është një kompani robotësh që bën kafe. Është një shitje e vështirë”, tha ai. “Ju duhet të keni atë këmbëngulje për të shitur idenë dhe për të ndërtuar atë ekip.”

  1. Gjeni partnerë

Së treti, është jetike të gjesh partnerë që mund të ndihmojnë në ngritjen e biznesit tuaj dhe zhvillimin e tij në një nivel tjetër. Për Tan, kjo do të thoshte të bashkohej me operatorët e transportit si kompania hekurudhore japoneze JR East dhe rrjeti i metrosë SMRT të Singaporit për ta bërë produktin e tij të disponueshëm për më shumë konsumatorë.

Ju nuk mund të bëni gjithçka vetë.

Partneritetet kanë rezultuar që të dy operatorët të investojnë në Crown Digital, duke marrë fondet totale të mbledhura në 3.1 milionë dollarë dhe duke e vlerësuar kompaninë në mbi 35 milionë dollarë.

/cnbc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0