Brian Solis: “Nëse jeni në SparkMe, po mundoheni të ndryshoni botën”


Brian Solis. një analist dixhital, antropolog dhe futurist, ka studiuar efektet e teknologjive të reja te bizneset dhe shoqëria. Si rezultat i punës së tij, Brian ndihmon gjithashtu brandet lidere, të famshmit dhe startupet të zhvillojnë një transformim të ri dixhital dhe strategji inovacioni dhe u jep mundësinë bizneseve të përshtaten në tregjet e reja.

Libri i tij më i fundit, “X: The Experience When Business Meets Design”, prezanton rëndësinë e eksperiencave si brande të reja duke bërë bashkë botën e Eksperiencës së Konsumatorit (CX), Eksperiencën e Përdoruesit (UX), dhe Eksperiencën e Brandit (BX) për t’i dhënë një përfytyrim tjetër udhëtimit të konsumatorit dhe ciklit të jetës së produktit.

Gerti: Ndodhem këtu me Z. Brian Solis në konferencën SPARK.ME. Ai do kishte dëshirë të ndante dy fjalë me audiencën e Business Mag Albania.

Brian Solis-Nëse-jeni-në-SparkMe-do-të-thotë-se-po-bëni-diçka-që-ka-rëndësi-për-ju-businessmag

Brian Solis: Përshëndetje! Më duhet ta them këtë. Ky është një vend vërtet i veçantë, në një konferencë të veçantë në një vend të mrekullueshëm. Por ja si qëndron çështja, nëse po e ndiqni këtë, do të thotë se po bëni diçka që ka rëndësi për ju, po mundoheni të ndryshoni botën. Ne kemi nevojë për më shumë njerëz si ju, për të thyer rregullat, për të sfiduar, për të shpikur dhe për të shtruar rrugën që të tjerët mund ta ndjekin në një botë që nuk është vetëm dixhitale, por në një botë që përmirësohet, bëhet më angazhuese, më e thellë dhe më e rëndësishme. Ju uroj gjithë të mirat.

Gerti: Falemnderit. A mund ta gjejmë ndryshimin në startupet e reja?

Brian Solis: Unë mendoj se startupet vetë përfaqësojnë ndryshimin. Por gjithashtu mendoj se startupet janë pjesë e problemit, sepse idetë e tyre janë të kufizuara nga mënyra se si ato e shikojnë botën dhe se si operojnë në botë. Unë mendoj se startupet më të mira janë ato që janë vërtet inovativë dhe unë besoj se çdo startup mendon për veten se është inovativ. Por unë kam ndihmuar në lançimin e mbi një mijë startupeve në jetën time dhe pjesa më e madhe e tyre janë përsëritës, që do të thotë se investojnë në përsëritje, që do të thotë të bësh të njëjtat gjëra më mirë.

Inovacion do të thotë të bësh gjëra të reja që sjellin vlerë të re, ndërsa ‘disruption’ do të thotë të bësh gjëra të reja, që i bëjnë gjërat e vjetra të dalin jashtë përdorimit. Kështu që është në dorën tuaj të zgjidhni se në cilën prej tyre do të operoni.

Gerti: Ju falemnderit!

/Artikulli u publikua më parë në faqen 19 të numrit 11 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 11 të saj.

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale