Bizneset duhet të dorëzojnë raportin e auditimit dhe të ecurisë së veprimtarisë, krahas bilancit - Business Magazine Albania

Bizneset duhet të dorëzojnë raportin e auditimit dhe të ecurisë së veprimtarisë, krahas bilancit

raportin e auditimit

QKB ka njoftuar bizneset se bazuar në nenin 43, të Ligjit nr. 9723, datë 03.05.2007, “Për regjistrimin e biznesit”, i ndryshuar, subjektet duhet të regjistrojnë dhe depozitojnë pasqyrat financiare vjetore, raportin e ecurisë së veprimtarisë dhe raportin e auditimit, të mbajtur sipas kërkesave ligjore, në rastet kur mbajtja e këtyre dokumenteve është e detyrueshme, jo më vonë se 7 muaj nga data e mbylljes së çdo viti financiar. Në të kundërt do të aplikohen sanksion administrativ gjobë, prej 15000 lekë.

Afati përfundimtar, për dorëzimin e këtyre dokumentave është data 31 korrik 2021. Dorëzimi i pasqyrave financiare do të kryhet në formatin Excel, nëpërmjet portalit qeveritar e-Albania.

Sipas manualit të përdorimit të publikuar nga QKB, në hapin e parë të aplikimit për depozitimin e pasqyrave financiare të dhënat e subjektit, NIPT, administratorit etj gjenerohen automatikisht nga sistemi nëpërmjet integrimit me sistemin e QKB. Ndërkohë plotësohen dhe të dhënat kategorinë e njësisë ekonomike, të ardhurat, numrin e punonjësve.

Hapi i dytë i aplikimit përbëhet nga 3 panele:

  1. Profili i audituesit ligjor
  2. Profili i degëve dhe filialeve të kompanisë
  3. Formati i dokumentave.

Në rastin kur subjekti nuk i nënshtrohet auditimit ligjor të detyrueshëm përdoruesi duhet të plotësojë vlerat për fushat Aktiv, Të ardhurat nga veprimtaria ekonomike dhe Numri mesatar i punonjësve për periudhën raportuese.

Lexoni: Fiskalizimi – Tatimet do kontrollojnë bizneset në kohë reale

QKB paralajmëron bizneset të bëjnë kujdes, pasi dokumentet pas ngarkimit do të verifikohen automatikisht nga sistemi për saktësinë e tyre.

Në hapin e tretë të aplikimit sistemi gjeneron automatikisht të dhënat mbi personin që kryen aplikimin nëpërmjet integrimit me sistemin DPGJC. Aplikimi duhet të kryhet nga njëri prej administratorëve të kompanisë. Në hapin e katërt të aplikimit shfaqet lista e dokumenteve shoqërues që përdoruesi duhet të ngarkojë në sistem.

Në hapin e fundit të aplikimit përdoruesi mund të shkarkojë dokumentin pdf të aplikimit duke klikuar butonin Shkarko në rastin kur duhet të nënshkruajë aplikimin offline dhe e ngarkon përsëri në sistem ose ngarkon aplikimin e panënshkruar elektronikisht. Përdoruesi klikon butonin Dërgo për të dërguar aplikimin.

Për më shumë klikoni këtu.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0