Bill Gates është njeriu më i pasur i SHBA-ve për të 24-in vit radhazi. Pasuria i është shtuar me 8 miliardë dollarë në krahasim me vitin 2015, duke shkuar kështu në 89 miliardë dollarë.
Në vend të dytë ndodhet Jeff Bezos, i cili arrin një pasuri deri në 81.5 miliardë dollarë, 14.5 më shumë se vitin e shkuar.
Në vend të tretë sërish renditet Warren Buffett, i ngjitur nga 65.5 në 78 miliardë dollarë.
Sipas revistës ekonomike “Forbes”, ka qenë një tjetër vit rekord për më të pasurit e SHBA-ve. Pasuria e të 400-it në renditje, ka qenë më e lartë me thuajse 18% në krahasim me 2016-ën, duke u ngjitur nga 1.7 në 2 miliardë dollarë.
Pasuria totale e amerikanëve në renditje është shtuar nga 2.400, në 2.700 miliardë dollarë dhe pasuria mesatare është rritur nga 6 në 6.7 miliardë dollarë. Të gjithë personat në dhjetë vendet e para të renditjes, janë më të pasur se vitin e shkuar, me të paktën 1 miliard.
Mes 400 më të pasurve, ka 22 të reja, mes të cilëve bashkëthemeluesi i Netflix, Reed Hastings, e Rocco Commisso, i lindur në Kalabri, themelues i Mediacom, kompani telekomunikimi dhe pronar i New York Cosmos, skuadra e futbollit të Bruklinit.
Mes të 400-ëve në renditje, vetëm 51 kanë një pasuri më të ulët në krahasim me vitin e shkuar: “goditjen” më të madhe e ka pësuar presidenti Donald Trump, të cilit i janë reduktuar 600 milionë nga 3.1 miliardë dollarët që zotëron.
/RichMond
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
