BERZH: Ekonomia shqiptare mund të bjerë 9% këtë vit

BERZH

Një raport i publikuar së fundi nga BERZH sjell parashikime më pesimiste se ato të FMN dhe Bankës Botërore, dhënë disa javë ma parë.

Banka Europiane për Rindërtim dhe Zhvillim (BERZH), në raportin e saj “Perspektiva Ekonomike Rajonale në rajonet e BERZH”, parashikon që ekonomia shqiptare të bjerë 9%. Parashikimet e Fondit Monetar Ndërkombëtar dhe ato të Bankës Botërore flisnin për një rënie rreth 5%.

Rënia prej 9% rezulton të jetë ndër më të lartat e vendeve që BERZH analizon në këtë raport. Mali i Zi pritet të këtë një rënie 8%. Serbia dhe Maqedonia e Veriut -3.5%, Kosova -5%, Bosnja dhe Hercegovina -4.5%, ndërsa vendet që pritet ta kalojnë pak më lehtë janë Maqedonia dhe Serbia, me -3.5% secila.

BERZH vlerëson në raport se, “ekonomia e Shqipërisë ka të ngjarë që të goditet fort nga epidemia për shkak të varësisë së saj të lartë nga turizmi dhe eksporteve me vlerë të ulët të mallrave ndërmjetëse me destinacion industrinë e modës në Itali. Një reduktim i mundshëm i remitancave do të ndikojë gjithashtu negativisht në rritje. Rimëkëmbja do të varet nga lehtësimi gradual i masave që janë marrë për të frenuar virusin dhe nga një kthim në normalitet në gjysmën e dytë të vitit”.

Lexo: Shqipëria në recesion. Ekonomia bie 5-7% sipas Bankës Botërore

Edhe vitin e kaluar, Shqipëria ka pasur rritjen më të ulët në Ballkanin Perëndimor, sipas BERZH, me 2.2%, ndërsa  në vende si Kosova apo Serbia, rritja ishte 4.5%. Ulja e prodhimit të energjisë ndikoi në përgjysmimin e rritjes ekonomike të vitit të kaluar, thonë ekspertët e BERZH.

Ndërkohë, vitin e ardhshëm rimëkëmbja pritet të jetë e shpejtë, me një rritje prej 12%, më e larta në rajonin e Ballkanit Perëndimor. Pritshmëritë janë që masat frenuese ndaj COvid të jenë afatshkurtra.

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale