Shqipëria në recesion. Ekonomia bie 5-7% sipas Bankës Botërore


Institucionet ndërkombëtare financiare, si Banka Botërore por edhe FMN parashikojnë që ekonomia shqiptare këtë vit të ketë një rënie 5-7%. Banka Botërore ka theksuar në raportin e saj të fundit se Shqipëria pati dy goditje të njëpasnjëshme me pasoja shkatërruese.

Raporti i Rregullt ekonomik për vendet e Ballkanit Perendimor u prezantua online. Kryefjalë e tij ishte ndikimi ekonomik i pandemisë.

Sipas ekspertëve të Bankës Botërore, rajoni i Ballkanit Perëndimor pritet të bjerë në recesion këtë vit. Sipas të dhënave, të gjitha vendet Ballkanike do të preken nga recesioni.

Skenari bazë parashikon rënie 5%, por nëse kriza aktuale zgjat edhe në gjysmën e dytë të vitit, rënia e ekonomisë pritet të jetë 7%.

Shqetësim për Shqipërinë, sipas ekspertëve mbeten efektet sociale që sjell tregu informal i punës. Raporti thekson se 61% e të punësuarve janë informalë.

Lexo: ALBtelecom ofron akses të mësimeve në distancë përmes platformës School Me

Ja mesazhet kryesore të raportit për Shqipërinë:

-Dy goditje të njëpasnjëshme me pasoja shkatërruese: tërmeti i Nëntorit 2019 dhe pandemia COVID-19 kanë ngrirë një pjesë të madhe të ekonomisë. Nëse shumica e aktiviteteve ekonomike mund të rinisin në fillim të verës, rritja vjetore e PBB-së pritet të tkurret me 5 përqind për vitin 2020.

-Qeveria shqiptare ka ndërmarrë një seri masash për të mbështetur ekonominë dhe zbutur pasojat e saj në jetën e njerëzve. Një zbatim i shpejtë dhe i mirëmenduar do të rriste efektivitetin e këtyre masave.

-Pasi të tejkalohet kriza, normalizimi i aktivitetit ekonomik dhe procesi i rindërtimit për zbutjen e pasojave të tërmetit pritet të mbështesin një rritje të shpejtë, por në planin afatmesëm nevojitet vazhdimi i  reformave strukturore.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale