ALBtelecom ofron akses të mësimeve në distancë përmes platformës School Me - Business Magazine Albania

ALBtelecom ofron akses të mësimeve në distancë përmes platformës School Me

~4 minuta lexim


Në shtëpitë ku ka ALBtelecom, dija nuk ndalon edhe në ditët e izolimit.

Zhvillimet në përballimin e ditëve të vështira, të krijuara nga emergjenca e Covid-19 kanë ndryshuar mënyrën e përditshmërisë sonë dhe të bashkëveprimit me njëri-tjetrin. Kufizimet në aktivitetet tona ditore kanë shtuar domosdoshmërinë për të qëndruar të lidhur përmes teknologjisë.

Sektori i arsimit po u përgjigjet ditëve të karantinës përmes mësimit online. Dija është një prej shtyllave më të forta ku duhet investuar ndër breza. Prandaj ALBtelecom ka menduar që abonentëve të vet t’u ofrojë përmes platformës School Me mundësinë për të investuar falas në zhvillimin e njohurive për fëmijët e tyre, duke i angazhuar ata në mënyrë aktive në procesin e të mësuarit.

Në këtë mënyrë përveç kanalit televiziv RTSH shkolla, ALBtelecom ofron akses falas në platformën School Me, me programe didaktike për fëmijët që ndjekin ciklin 9-vjeçar.

Për çdo abonent ALBtelecom mënyra për t’u bërë pjesë e platformës së mësimit në distancë falas është fare e thjeshtë, përmes plotësimit të një formulari të shkurtër me të dhënat tuaja në www.albtelecom.al/kukasishtëpia dhe kjo funksionon në të gjitha pajisjet: smartphone, laptop, pc, tv.

ALBtelecom me një skuadër të dedikuar të shërbimit të klientit do verifikojë menjëherë çdo kërkesë dhe do t’ju mundësojë kodin tuaj unik për të aksesuar në platformën School Me, i cili do të jetë i vlefshëm deri në përfundim të vitit shkollor. Gjithashtu, të gjithë abonentët ALBtelecom do mund të lundrojnë falas në platformë, duke mos shpenzuar internet ndërkohë që ndjekin mësimin online.

Lexo: Platforma “MËSOVET”: Mësim në distancë për nxënësit e arsimit e formimit profesional

School Me sjell mësimet në formë audio-vizuale me imazhe dhe filma, pyetësorë, ushtrime, laboratorë, njohuri plotësuese, shënime si dhe mundëson forume për çdo temë mësimore. Në këtë mënyrë, qëndrimi në shtëpi nuk ju pengon të merrni mësimet e klasave tuaja dhe të jeni bashkëveprues njësoj si ishit në shkollë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Inovacioni është të thuash JO për 1000 gjëra.”
— Steve Jobs
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0