Platforma “MËSOVET”: Mësim në distancë për nxënësit e arsimit e formimit profesional


Si rrjedhojë e përhapjes së virusit COVID-19, shkollat në Shqipëri qëndrojnë të mbyllura, të paktën deri në datën 23 mars. Kjo ka bërë që të lindë nevoja e të mësuarit në distancë, në mënyrë që procesi mësimor të mos ndërpritet.

Veçanërisht problematike paraqitet situata e nxënësve në klasën e 12-të, të cilët duhet të përgatiten për provimet e maturës në qershor. Përveçse mund të humbasin një sasi të konsiderueshme orësh mësimi në klasë, ata nuk do të kenë mundësi të zhvillojnë orët e konsultimit për t’u përgatitur për provimet.

Lexo: Shkon në 33 numri i të infektuarve me COVID-19 në Shqipëri

Nisur nga kjo, projekti “Aftësi për Punë” ka shtuar përpjekjet për të nxitur përdorimin e platformës “MesoVet.al”. Pas udhëzimit nga institucionet kombëtare për vijimin e mësimit në distancë, 35 mësues i kërkuan projektit mbështetje për përdorimin e platformës “MësoVet” si mjedis virtual të nxëni. Drejtuesve dhe mësuesve të institucioneve partnere të projektit u janë dërguar udhëzimet përkatëse për përditësimin e materialeve mësimore në platformë. 343 përdorues të rinj u shtuan vetëm në një ditë.

“Aftësi për Punë” do t’i mbështesë mësuesit në krijimin e klasave virtuale për vijimin e proçesit mësimor. Gjithashtu, një grup prej 17 mësuesish janë angazhuar në hartimin e materialeve dhe udhezimeve për 22 lëndë, që janë pjesë e programeve të maturës. Puna tashmë ka nisur për lëndët në tre drejtime (duke u dhënë prioritet sipas numrit të nxënësve) dhe më pas në të gjithë drejtimet e ofruara nga institucionet partnere të projektit. Nga përdorimi i platformës mund të përfitojnë të gjithë nxënësit dhe mësuesit e Arsimit e Formimit Profesional në vend (82% e nxënësve në klasë të 12-të).

Ndërkohë, mbetet ende sfida e aksesit në internet të nxënësve të AFP-së. Sipas të dhënave të projektit, vetëm 58,8% e nxënësve kanë akses internet në shtëpi. Për këtë, projekti po kërkon zgjidhje në bashkëpunim me kompanitë e telekomunikimit në vend dhe me Ministrinë e Financave dhe Ekonomisë.

MësoVET është një platformë e përshtatur në shqip nga projekti “Aftësi për Punë” në vitin 2018. Ajo përbën një zgjidhje gjithëpërfshirëse dhe mundëson dokumentimin e veprimtarisë si për mësuesit në klasë edhe për mësimin në distancë të nxënësve dhe praktikantëve. Ky sistem i menaxhimit të proçesit mësimor është bazuar në Moodle, që përdoret falas nga 185 milion përdorues në 233 vende të botës. Për t’u regjistruar mjafton vetem një adresë emaili.

Përmbajtja e platformës përditësohet vazhdimisht nga mësuesit dhe instruktorët e institucioneve partnere të projektit. Për këtë, ata janë kapacituar nga projekti me trajnime dhe udhëzues. Materialet në platformë mbështeten tek kurrikulat kombëtare dhe pasurohen me materiale praktike nga ekspertë të industrisë. Platforma lejon përdorimin e lirë me të drejta autori si dhe përditësimin e materialit.

Lexo: Zef Preçi: Disa këshilla për të menaxhuar situatën

Praktikantët janë gjithashtu kontribues në pasurimin e materialeve digjitale të MësoVET. Ata realizojnë video gjatë praktikave profesionale në vendin e punës dhe më pas i ngarkojnë në platformë. Për këtë, nxënësit marrin trajnimet përkatëse. Videot shërbejnë si materiale mësimore për klasat e 10-ta.

Qëllimi është të rritet mësimi në distancë dhe përdorimi i pajisjeve elektronike si kompjuteri e celulari, të bëhet mësimi sa më argëtues dhe nxënësit të përditësohen me zhvillimet e fundit të industrisë.

Burimi: Skills for Jobs 

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale