Çdo vit njerëzit mendojnë se si mund të rriten profesionalisht dhe të hedhin hapa të sigurt drejt një karriere të suksesshme. Disa kërkojnë një punë të re, disa të rriten në detyrë dhe shumë duan të ndryshojnë karrierën e tyre. N.q.s edhe ju po mendoni të bëni diçka ndryshe në vitin 2016, njihuni me disa mënyra efektive për t’u përgatitur sa më mirë për një eksperiencë të re :
1. Merrni një kurs online.
Trajnimet online janë një mënyrë e re shkollimi dhe investimi për karrierën tuaj. Blerja e Lynda.com nga LinkedIn është një shembull i mirë për të mbështëtur këtë fakt. Tani ju mund të merrni një kurs online bashkëngjitur me një çertifikatë dhe ta postoni në profilin tuaj LinkedIn dhe në CV. Në të ardhmen parashikohet që gjithësecili prej nesh të marrë kurse online për të përvetësuar aftësi të reja lidhur me punën që bën. N.q.s nuk keni marrë një kurs online, është viti i duhur ta provoni këtë eksperiencë.
2. Planifikoni intervista pune.
Tani, më shumë se kurrë punët janë bërë të përkohshme. Ju duhet të kërkoni dhe të keni në vëzhgim disa kompani që do donit të punonit në të ardhmen, sepse nuk e dini kur do t’ju duhet të përgatiteni për të kërkuar një punë të re. Bëni mirë të hartoni një listë me emrat e kompanive që do donit të punonit dhe të filloni të krijoni kontakte me njerëz që punojnë atje. Pjesa më e madhe e mundësive të punësimit vjen nëpërmjet referencave.
3. Pasuroni profilin tuaj LinkedIn.
Me më shumë se 400 milion përdorues dhe një rritje me 2 njerëz çdo sekondë, LinkedIn është rrjeti profesional më i madh në botë. Të gjithë punëmarrësit po e përdorin këtë rrjet social për të gjetur talentet që kërkojnë. Postimi i punëve të reja nga kompanitë po bëhet më pak efektiv. Kompanitë kërkojnë nëpërmjet fjalëve kyçe aftësitë që duan dhe kështu bëhet e mundur gjetja e punonjësve të rinj. Shpenzoni pak kohë për të ndëtuar disa fjalë kyçe në profilin tuaj LinkedIn për të pasur sa më shumë oferta të reja.
4. Rifreskoni burimet tuaja të informacionit.
Zakonisht njerëzit marrin informacion nga të njëjtat burime çdo ditë. Shpeshherë ne lexojmë vetëm titujt e tyre dhe nuk arrijmë të futemi në brëndësi të artikujve. N.q.s dhe ti je një lexues i tillë, ka ardhur koha të ndryshosh diçka. Gjeni burime të reja informacioni që ju ngjallin interes për t’i lexuar dhe ju japin perspektiva të reja për botën që ju rrethon. Idetë e reja janë çelësi për krijmtarinë.
5. Filloni një hobi të ri.
Nuk ka më bukur se të mësosh duke u zbavitur. Është koha të zgjidhni një hobi të ri ose të bëni diçka që e keni pasur gjithmonë ëndërr sirtari. Jo vetëm që do t’ju shkëpusi nga rutina, por gjithashtu do të nxisë kreativitetin tuaj. Ndoshta ky zakon i ri do t’ju ndihmojë për karrierën tuaj të ardhshme.
/INC.com/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
