BE kërkon të standardizojë karikuesit e të gjithë smartfonëve. Apple nuk është dakord - Business Magazine Albania

BE kërkon të standardizojë karikuesit e të gjithë smartfonëve. Apple nuk është dakord

karikuesit
~3 minuta lexim

Bashkimi Europian propozoi rregulla të reja të enjten që do t’i bëjnë portat USB-C standarde në të gjithë pajisjet si telefonat inteligjentë, tabletët, kamerat, speaker-at portativë dhe sistemet e lojërave të dorës.

Ky veprim është një pengesë për Apple, e cila përdor portën e vet “Lightning” në iPhone. Ndërsa rregullat e reja janë vite larg hyrjes në fuqi, Apple mund të detyrohet të bëjë ndryshime në produktin e saj.

“Konsumatorët europianë janë shumë të frustruar që karikuesit janë të papërshtatshëm për pajisjet e tjera dhe që i kanë grumbulluar nëpër sirtarët e tyre. Ne i dhamë industrisë shumë kohë për të dalë me zgjidhjet e tyre, tani ka ardhur koha për veprime legjislative për një karikues të zakonshëm,” tha shefja e teknologjisë së BE, Margrethe Vestager në një deklaratë.

“Kjo është një fitore e rëndësishme për konsumatorët dhe mjedisin tonë dhe në përputhje me ambiciet tona të gjelbra dhe dixhitale,” shtoi ajo.

Lexoni: EasyPay dhe Intesa Sanpaolo Bank Albania: një bashkëpunim që sjell lehtësi në jetën tuaj

Qytetarët e BE-së kanë mesatarisht tre karikues të telefonave celularë, sipas Komisionit Europian. Por 38% e konsumatorëve nuk kanë qenë në gjendje të karikojnë telefonin e tyre në të paktën një rast, sepse nuk kishin ngarkuesin e duhur në dorë.

Afërsisht 2.4 miliardë euro shpenzohen çdo vit për karikues të pavarur që nuk vijnë me pajisjet elektronike, sipas Komisionit.

Zyrtarët europianë po e nxisin industrinë e teknologjisë të standardizojë karikuesit për më shumë se një dekadë. Gjatë asaj kohe, numri i portave të karikimit të celularëve në treg ka rënë nga 30 në tre.

Apple tha se do të vazhdojë “të angazhohet me palët e interesuara për të ndihmuar në gjetjen e një zgjidhjeje që mbron interesin e konsumatorit”.

“Ne mbetemi të shqetësuar se rregullorja e rreptë që urdhëron vetëm një lloj karikuesi mbyt inovacionin në vend që ta inkurajojë atë, e cila nga ana tjetër do të dëmtojë konsumatorët në Europë dhe në mbarë botën,” shtoi kompania në një deklaratë.

/CNN

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Përshtatu ose hiq dorë.”
— Andy Grove
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0