Arjodita Mustali: klientët duhet të ndihen si viganë

Arjodita Mustali

Arjodita Mustali është themeluese dhe drejtuese e Vigan Group. Në një intervistë për Businessmag ajo tregon rrugëtimin dhe qasjen e saj ndaj biznesit.

Vigan Group ka vite në treg. Cilat janë arritjet dhe sfidat e kësaj kompanie?

Vigan-i lindi fillimisht si një nevojë e tregut vendas dhe ndërkombëtar për biznese BPO (Business Procesing Outsource).

Vizioni i Vigan është krijimi, analizimi dhe përmirësimi i shërbimeve që ofron ndaj bizneseve. Krijimi i një hub-i të favorshëm pune, i cili rrit dhe zhvillon punonjësit e saj dhe ndryshimi i konceptit tradicional të bashkëpunimit mes biznesit, punonjësit dhe klientit.

Arritjet e çdo kompanie vlerësohen në bazë të klientëve të kënaqur, të klientëve që vazhdojnë dhe rrinë me ty në kohë të gjatë dhe rikthehen për të marrë shërbimin tënd sepse ti jo vetem u ke dhënë një shërbim për të cilin të kanë paguar, por ke bërë më tepër, e ke ndihmuar në rritjen e kompanisë së tij.

Sfidat kanë qenë të shumta dhe vazhdojmë të jemi në sfidë çdo ditë, duke veçuar vështirësitë që hasim në evidentimin e dëshirave të klientëve dhe përcaktimin e qëllimeve që dëshirojnë të arrijnë përmes shërbimeve që ofrohen nga ne. Sfida! Sfidën më të madhe e kemi me veten, sepse atë duam ta tejkalojmë. Duam të jemi më të mirë se dje. Dhe kjo kërkon punë të vazhdueshme me shumë pasion dhe ngulm për të kapërcyer edhe të papriturat që në biznes janë të shumta. Duke marrë në konsideratë pesëvjeçarin e fundit, mendoj se jemi në rrugën e duhur, falë një grupi të dedikuar njerëzish që impenjohen çdo ditë për këtë.

Artikulli u publikua më parë në faqen 64 të numrit 23 të revistës Business Magazine Albania. Ju mund të Shfletoni Këtu nr. 23 të saj.

Cilat kanë qenë mësimet që keni marrë si sipërmarrëse?

Qëndrimi im, i cili më është përforcuar gjatë gjithë karrierës në biznes, është besimi se suksesi vjen si pasojë e pasionit për të bërë atë çka bën dhe vendosmërisë për t’u përmirësuar dhe për t’u qëndruar deri në fund bindjeve dhe ëndrrave.

Që çdo dështim, është mësim. Që nga çdo problem, linj një ide e mirë. Që asgjë në jetë nuk ndodh rastërsisht, prandaj çdo rast duhet vlerësuar në formën e duhur.

Bindjet, janë si kafja e mëngjesit, të ndihmojnë të zgjohesh dhe të marrësh forcë për një ditë të vrullshme.

Shërbimet në drejtim të fuqizimit të klientëve janë prioriteti juaj. A mund të na thoni disa detaje për shërbimet? Si i mbështesni klientët, cilat janë veçoritë e mesazheve apo suporti juaj për to?

Do të doja të përmendja diçka lidhur me atë që Vigani përfaqëson, duke u nisur që nga emri. “Vigan” është zgjedhur bazuar në idenë e të qenit i madh dhe i fuqishëm, i vendosur si një vigan. Dhe kështu synojmë të ndihet cilido partner/klient/staf që bëhet pjesë e jona. Fushat primare të kompetencave të Viganit variojnë nga menaxhimi i biznesit, marketingu dhe komunikimi, trajnime dhe virtual assistance dhe inovacioni në fushën e teknologjisë. Ne jemi vazhdimisht në proces përmirësimi të shërbimeve tona për t’ua ofruar më së miri klientëve aktualë dhe potencialë, vendas dhe të huaj. Zgjidhjet tona konsistojnë në metoda inovative dhe kosto-efektive, që përputhen me vizionin dhe qëllimet e çdo kompanie. Vigani synon të jetë një “one stop Shop Company”, ku secili klient arrin të marrë gjithçka të nevojshme për t’u rritur në mënyrë të qëndrueshme. Pa diskutim shumë shërbime i mundësojmë edhe në partnerit me kompani të tjera. Sepse besojmë fuqishëm që klienti është mbret dhe çdo kompani duhet t’i shërbejë atij. Praktikisht, kjo metodë na ka rritur jo vetëm neve, por të gjithë partnerët tanë.

Ju jeni edhe speaker. A mund të na tregoni për mesazhet më të rëndësishme që keni ndarë nëpër konferenca apo evente, lidhur me qëndrimin tuaj në çështjet e marketingut dhe zhvillimit të biznesit?

Të flasësh në publik është përgjegjësi e madhe, por edhe detyrim. Them përgjegjësi sepse mesazhi duhet të jetë tejet i saktë, meqë në një formë a një tjetër t’i influencon mënyrën se si dëgjuesi do të reagojë nëse e beson atë që thua. Dhe besoj që është detyrim, sepse çdokush që ka eksperiencë në një fushë, duhet ta ndajë atë me të tjerët per t’u treguar cilat kanë qenë vështirësitë, ose cilët mund të jenë hapat e duhur për të lehtësuar një proces pune. Disa nga mesazhet e ndara ndër vite kanë qenë:

Don’t Show Off! Show Experience = Një thirrje ndaj çdo biznesi që ofron një shërbim, apo përfaqësuesi, shitësi, influenceri. Pra, nuk kanë nevojë të flasin me superlativa për të treguar sa të mirë janë. Puna flet vetë.

FEED = Në shqip do të thotë ushqim. Përbëhet nga fjalët, Fokus, Zhvillohu, Kupto të tjerët dhe Guxo. Këtë trajnim e zhvilloj në kompani, të cilat duan të integrojnë brenda departamenteve të tyre të shitjes, burimeve njerëzore dhe marketingut një strukturë me vlera që duhet të ndjekë organizata në arritjen e objektivave në mënyre organike.

Çfarë të rejash do të kemi nga Vigan Group dhe cilat janë objektivat tuaja për të ardhmen?

Duke marrë parasysh situatën ku jemi, në një pandemi globale, shumë nga planet afatgjata janë afruar dhe do të dalin në treg më shpejt. Vigan, ka në objektiva të afërt të digjitalizojë të gjitha shërbimet, nga trajnimet e deri tek analizat e statistikat. Kjo për të bërë sa më shpejt të mundur punësimin edhe nga shtëpia. Gjithashtu, si pjesë e ABSA.al ka ndërmarrë iniciativën për sensibilizimin dhe informimin e qyteteve të tjera përpos Tiranës (digjitalizimi i shoqërisë përtej Tiranës), për të sjellë zhvillim dhe të rritur ekonominë në lidhje me digjitalizimin. Global Digital City është një platformë që synon rritjen e vetëdijes dhe përhapjen e informacionit për të gjitha opsionet dhe benefitet që epoka digjitale po ofron në të gjithë botën për punësimin dhe zhvillimin ekonomik.

Deri tani kemi zhvilluar dy evente, Korça Digital Weekend, i cili u realizuar në qytetin e Korçës dhe Shkodra Digital Weekend, i cili u zhvillua virtualish në qytetin e Shkodrës, për arsye të pandemisë.

Qëllimi është që të arrijmë të bëjmë çdo qytet të Shqipërisë jo vetëm atraktiv, por edhe të zhvilluar si qytetet digjitale globale.

Artikulli u publikua më parë në faqen 64 të numrit 23 të revistës Business Magazine AlbaniaBusiness Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 23 të saj.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale