Arianna Huffington tregon gabimin më të madh që mund të bëni si një sipërmarrës » Business Magazine Albania – Media Dixhitale dedikuar Sipërmarrjes
Përditësuar së fundmi: 18/05/2017

Arianna Huffington tregon gabimin më të madh që mund të bëni si një sipërmarrës

Share
nga Anerola Torollari
Maj 18, 2017
Studied at Faculty of Science, Content Editor Biznesi at Business Magazine
lexo me teper >

Ekzistojnë shumë këshilla për atë që sipërmarrësit duhet të bëjnë për të arritur suksesin.

Shmangia e pengesave është një pjesë tjetër e madhe e arritjes së suksesit, por cili është gabimi më i madh që një sipërmarrës i ri mund të bëjë?

Arianna Huffington, themeluesja e Thrive Global dhe Post Huffington, shpreh disa ide për këtë.

Sipërmarrësit që shkojnë në masa ekstreme për të bërë gjërat shpesh festojnë, por Huffington thotë që është një gabim i madh neglizhimi i aspekteve të tjera të jetës suaj, veçanërisht shëndeti. Në fakt, rezultatet mund të jetë katastrofike për karrierën tuaj të sipërmarrjes.

“Një jetë e qëndrueshme dhe korrektësia me punonjësit është mënyra më e mirë që një sipërmarrës të sigurojë një biznes të qëndrueshëm dhe të suksesshëm”, thotë Huffington Business Insider. “Është si ajo që thonë në aeroplan – vendosni maskën tuaj të oksigjenit përpara se të ndihmoni të tjerët”.

Sipas Huffington, sipërmarrësit e rinj nuk duhet të mburren për qëndrimin e orëve të gjata për të ndërtuar kompaninë. Në vend të kësaj, ata duhet të përqendrohen më shumë në cilësinë e punës së tyre sesa në sasinë e saj.

“Ata gjithashtu duhet të kuptojnë se duhet të vazhdojnë të ushqejnë kreativitetin – një nevojë, e cila do jetë vazhdimisht në fokus edhe pasi të keni bërë zbulimin e idesë tuaj dhe të jeni duke ndërtuar kompaninë tuaj,” thotë Huffington.

“Pa marrë parasysh se sa gjeniale është ideja për krijimin e kompanisë, po aq i rëndësishëm do të jetë kreativiteti tuaj për të kapërcyer sfidat e pashmangshme që do të pasojnë dhe për të dalë me ide të reja që do t’i lejojnë kompanisë të evoluojë dhe të rritet,” thotë Huffington. “Dhe ne e bëjmë këtë duke i dhënë prioritet mirëqenies sonë”.

burimi: BusinessInsider

Evente

Hardh Fest 2017

Shtator 7, 2017
9:00 AM - Shtator 10 9:00 PM

Doing Business 2017

Shtator 28, 2017
në orën 09:00 - 29 Shtator Sep 29 në orën 20:00