Ardian Radovicka, inxhinieri shqiptar në Kanada dhe pasioni i tij për pikturën



Edhe pse vendlindja i dha shumë mundësi për zhvillim, ai sërish kërkoi më shumë nga vetja. Ardian Radovicka prej 13 vitesh jeton në Kanada. Ai është inxhinier në sektorin e ujësjellësit.

I diplomuar në Fakultetin e Inxhinierisë së Ndërtimit në degën Hidroteknikë, në vitin 2000 bashkë me një koleg të tij themeloi Shoqatën e Ujësjellës Kanalizimeve të Shqipërisë. Nëpërmjet kësaj shoqate pati rastin të fitonte një bursë nga Qeveria Italiane, për të kryer studimet Master në “Mekanikën e Lëngjeve, Planifikimi dhe Menaxhimi i Burimeve Ujore” në Universitetin e njohur La Sapienza, Romë.

Pjesë e pandashme e formimit të tij profesional kanë qenë edhe trajnimet e ndryshme të fushës, në Shqipëri, Europë dhe Kanada.

Për BusinessMag.al Ardiani thotë se gjithmonë e ka dashur profesionin e tij dhe se fakti që ka punuar në një sektor jetik siç është ai i ujësjellësit, i ka dhënë një kënaqësi të veçantë. Zhvendosja në Kanada nuk ishte e vështirë, pasi përvoja e mëparshme në këtë sektor, ia ka bërë më të lehtë përshtatjen.

“Bëra shumë aplikime për punë dhe telefonova mjaft punëmarrës. Pas një viti këmbëngulje, ndjeva se kishte ardhur momenti i shumëpritur. Në anën tjetër të telefonit ishte Drejtori i Përgjithshëm i Ujësjellësit të qytetit të Hamiltonit, i cili pasi dëgjoi me kujdes rrugëtimin tim, më tregoi rrugën që duhet të ndiqja si inxhinier i huaj në trajnim. Kjo ishte dhe gjërat rrodhën vetë, ashtu siç kisha ëndërruar”.

Ai shprehet se në ndryshim nga Europa, Kanadaja të jep mundësi punësimi në profesion pasi të liçensohesh, apo çertifikohesh nga institucionet përkatëse.

Për gjashtë vite ai ushtroi profesionin e inxhinierit në Ujësjellësin e Hamiltonit, e më tej u transferua në Bashkinë e Torontos në detyrën e inxhinierit profesionist. Arritje për të është fakti që ka drejtuar edhe shumë projekte studimore në këto dy qytete.

Gjatë periudhës kohore kur ishte në Shqipëri, ka ushtruar disa pozicione të ndryshme si: inxhinier, përgjigjëgjes sektori dhe Drejtor në Ujësjellësin e Durrësit. Ka gjithashtu përvojë edhe në mësimdhënie pasi ka qenë pedagog i jashtëm në Fakultetin e Inxhinierisë së Ndërtimit në Departamentin e Hidroteknikës dhe Hidraulikës. Një tjetër post i rëndësishëm ka qenë edhe ai i liderit në Institutin e Kërkimit Urban.

Një eksperiencë unike për të është edhe bashkëpunimi me mjaft kompani mjaft të njohura Europiane, në kuadrin e projekteve të Bankës Botërore në kohën kur drejtonte Ujësjellësin e Durrësit. “Kjo punë më dha mundësi të vizitoj reth 20 kompani ujësjellësi në Itali, Austri, Francë, Danimarkë, Hungari dhe Çeki”.

Lexo: Arben Cenko, inxhinieri i suksesshëm në Amerikë falë studimeve në Tiranë

Për BusinessMag.al ai shprehet se njeru nga natyra kërkon atë që i mungon, duke nënkuptuar se malli për Shqipërinë është i pashtershëm. Nga Shqipëria ai mbart kujtime të bukura, miqtë e zemrës.

Edhe pse me një profesion serioz siç është ai i inxhinierit, Ardian Radovicka është i apasionuar edhe pas pikturës. Që në moshë të vogël në fakt e ka ushtruar këtë pasion, duke çelur disa ekspozita vetjake dhe duke marrë pjesë në ekspozita profesionistësh. E për këtë u ndikua edhe nga fryma letrare e prindërve të tij arsimatarë.

“Para dy muajsh jam kthyer nga një udhëtim tepër i veçantë dhe i mbushur plot mbresa.  Atje u frymëzova dhe pikturova disa pejsazhe në Krujë, Berat, Gjirokastër dhe Sarandë, të cilat mendoj t’i paraqes në ekspozitën që do të hapim me piktorë të tjerë Shqiptaro-Kanadezë këtu në Toronto”.

Ajo që e shqetëson më së tepërmi Ardianin për vendin e tij, është mënyra e funksionimit të shtetit, pasi për të kjo lë për të dëshiruar.
Para disa muajsh komuniteti Shqiptaro-Kanadez dhe Qeveria Shqiptare e kanë zgjedhur të jetë përfaqsues i Kanadasë në Këshillin Koordinues të Diasporës. “Do të kontribuoj gjithmonë me dëshirë për të ndërtuar ura bashkëpunimi ndërmjet Shqipërisë dhe Diasporës”.

Ai mendon se suksesi është pasojë e disa ndyshimeve që ndodhin brenda secilit prej nesh.

“Shqipëria do të bëhet kur të gjithë shqipëtarët në Shqipëri dhe jashtë kufinjve, do të bëjnë gjëra të vogla me dashuri të madhe”, – e mbyll rrëfimin e tij për BusinessMag.al.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale