Arben Cenko, inxhinieri i suksesshëm në Amerikë falë studimeve në Tiranë

Arben Cenko, inxhinieri i suksesshëm në Amerikë falë studimeve në Tiranë


Edhe pse Shqipëria nuk i dha mundësinë për të zhvilluar një karrierë të suksesshme, ai mori bazat e shëndetshme në fushën e inxhinierisë, për t’a bërë suksesin në Amerikë.

Arben Cenko, sot ka regjistruar disa patenta të tij në nivel ndërkombëtar, falë punës por edhe njohurive që mori në universitetin shqiptar. Ai aktualisht po merret me produkte te reja që lidhen me saldimet tek robotët dhe përmirësimin e produkteve aktuale.

Falë përvojës shumëvjeçare dhe njohurive të marra në universitet, ka arritur që studimet e tij të publikohen me sukses në USPTO ( United States Patent and Trade Office), tre patenta që kanë lidhje dhe po përdoren nga kompania në të cilën ai aktualisht punon. Ai ka aplikuar për një patentë edhe në Brazil. Për BusinessMag.ai ai shprehet se sot të krijosh një karrierë të suksesshme jashtë është më e lehtë se para viteve ’90, pasi shqiptarët tashmë janë më të përgatitur për mënyrën se si punohet në vendet perëndimore.

Me një të shkuar si shumë emigrantë, me peripeci për integrim, një herë në Itali, më vonë në Kanada dhe së fundi në SHBA, Arbeni ka “mbijetuar” falë pasionit për profesionin e tij. “Pasioni për profesionin më motivon për të vazhduar përpara. “Sa më shumë të dish aq më pak di”.Kjo është një shprehje bazë për të.

Duke iu referuar vetes, ai porosit të rinjtë të mos dorëzohen para të panjohures. “Mos mendoni se po të gaboni, jeta juaj mbaron. Përkundrazi, gabimet janë një mësim i mirë për të zgjedhur rrugën e duhur. Studioni sa më shumë dhe mos mendoni se pasi keni mbaruar studimet, njohuritë mbeten në vend, ato evoluojnë. Ndiqni pasionin dhe ndërtoni të ardhmen tuaj aty ku jeni. Jam krenar që studiova në Universitetin e Tiranës dhe njohuritë që mora në Shqipëri prodhuan patenta me vlerë ndërkombëtare! Kështu dëshiroj të shoh rininë e Atdheut tim” thotë ai.

Ndër vite ai ka punuar në disa poizicione të rëndësishme në kompanitë si OCLAP Srl (1996- 2001) në pozicionin e Menaxherit të Paisjeve/Stampave. Në Regaskiss (ITË) Product Design Engineer nga 2001 -2008 Ëindsor Ontario/Canada. MART ËELD & AUTOMATION Inc. 2008-2011 si zëvendës President i Kërkim, Zhvillim, Projektim i Oldcastle, Ontario/Canada, Synchron Design & Automation, si konsulent për Kërkim-Zhvillim-Projektim në fushën e automateve dhe robotëve si dhe Abicor Binzel Inc 2016, ku është aktualisht si Mënaxher në Kërkim Zhvillim Projektim

Arbeni lindi dhe u rrit në Durrës. Në fillimin e viteve ’90 u largua në drejtim të Italisë. Vështirësitë e fillimit nisnin që me mungesën e njohurisë së gjuhës. Gjatë kohës kur jetoi në Itali së bashku me babin e tij filloi të merrej me tregti mallrash nga Italia në Shqipëri.
“Më është dashur të punoj punë të ndryshme për të përballuar qeranë dhe jetesën”, – shprehet ai. Në fundjava punonte si ndërtues, mekanik apo kamarier. Më vonë, kur italishtja e tij u përmirësua filloi punë në një ndërmarrje. Në fund të vitit 2001 vendos të largohet në Kanada, për t’u zhvendosur sërish në 2015-ën në SHBA, ku aktualisht po punon aty.

Lexo:  Josif Grabocka, profesori i Inteligjencës Artificiale në Gjermani

“ Në Kanada dhe SHBA  mjedisi ishte më miqësor, nuk u ndjeva i paragjykuar, pasi këto vende janë ndërtuar mbi bazën e tolerancës dhe respektit ndaj të huajve” – rrëfen ai për BusinessMag.al.
Ai u kujton Shqipërisë dhe shqiptarëve se, “çdo emmigrant është me trup jashtë, por zemrën e ka lënë në Atdhe”!

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0