Apple prezanton zyrtarisht iPhone 11


Apple ka prezantuar zyrtarisht iPhone 11, iPhone 11 Pro dhe iPhone 11 Pro Max, në Kaliforni.

Cilësitë që ju bashkangjiten produkteve të iPhone janë kamera e re, procesorët më të shpejtë, ekrani i përmirësuar me një xham më të fortë dhe bateri që zgjat akoma më shumë.  

Lexoni: Apple i mashtroi të gjithë duke aluduar që iPhone i ri kushton 300 dollarë më pak se iPhone i vitit të kaluar – nuk është e vërtetë

iPhone 11 vjen me një ekran 6.1 inch, me xham më të fortë dhe i pajisur me një kamera të dyfishtë në pjesën e pasme, duke ofruar cilësi më të lartë. iPhone 11 sjell një modalitet të ri Night Mode për të konkuruar me Samsung dhe Google, i cili mundëson imazhe më të mira në dritë të ulët.

Siç ndodh zakonisht me një gjeneratë të re të iPhone, iPhone 11 mundësohet nga një procesor i ri, procesori A13 Bionic.

Lexoni: 10 rregulla suksesi nga punonjësit e Apple

Gjithashtu janë prezantuar edhe pajisjet iPhone 11 Pro dhe iPhone 11 Pro Max. Iphone Pro do të vijë në dy madhësi, me ekran 5.8 inch dhe 6.5 inch. Teknologjia e re e aplikuar në ekranin e iPhone 11, ofron ngjyra më të mira si dhe efikasitet në jetëgjatësinë e baterisë. Risia më e madhe e iPhone janë padyshim kamerat. Në pjesën e pasme, është vendosur brenda një kuadrati një sistem i trefishtë kamerash. Këto kamera 12 mp punojnë së bashku njëkohësisht duke ofruar cilësi më të lartë.

Çmimi për iPhone 11 fillon nga 699 dollarë, për iPhone 11 Pro fillon nga 999 dollarë dhe për iPhone 11 Pro Max 1,099 dollarë. Të gjitha modelet do të fillojnë me transportin në 20 Shtator 2019.

/TechCrunch

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale