Apple Pay lancohet para pushimeve?! - Business Magazine Albania

Apple Pay lancohet para pushimeve?!


Apple Pay është më në fund gati që të zhvendoset përtej aplikacioneve ekzistuese.

Apple ka njoftuar paraprakisht se shërbimi i tij i pagesave, i cili lejon blerësit të bëjnë një blerje në aplikacionet mobile me anë të shenjave të gishtave të tyre, në vend që të fusin të dhënat e kartës së kreditit, po zgjerohet edhe tek uebsajtet këtë vit.

Ky shërbim do të jetë në dispozicion për blerësit që përdorin shfletuesin Safari në modelet e iPhone dhe iPad që posedojnë teknologjinë e Apple Touch ID. Apple gjithashtu ka konsideruar të vendosë këtë shërbim për laptop dhe desktop Apple, edhe pse nuk është akoma e qartë.applepay-businessmag

Apple po u thotë partnerëve të tij të mundshëm se zgjerimi i Apple Pay në faqet e internetit mobile do të jetë gati para sezonit të pushimeve këtë vit. Një njoftim mund të vijë në WWDC, në konferencën e Apple për zhvilluesit e programeve, e cila zakonisht zhvillohet në Qershor.

 

/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0