Të martën Gjykata e Lartë hodhi poshtë vendimin se kompania e Koresë së Jugut duhet të paguante një shumë prej 399 milionë $ për rivalin e saj amerikan për kopjim të dizajnit të iPhone. Gjykatësit në vendimin e tyre 8-0 e dërguan çështjen në një nivel më të ulët gjykate për procedurë të mëtejshme.
Vendimi i jep Samsung një tjetër shans për të marrë një pjesë të madhe të parave që ka paguar tek Apple në Dhjetor pas një vendimi të vitit 2012. Më parë juria kishte vendosur se Samsung kishte shkelur patentat e iPhone, pamjen e saj të veçantë në telefonat Galaxy dhe pajisje të tjera konkurruese.
Gjykata u shpreh se një “dhunues” i patentës nuk duhet të paguajë gjithmonë mbi fitimet e saj nga shitja e produkteve që kanë përdorur dizajnin e vjedhur, nëqoftëse ka mbuluar vetëm komponente të caktuara dhe jo të gjithë.
Vendimi pasoi një betejë të egër ligjore mes dy prodhuesve më të fuqishëm të smartphoneve në botë, që filloi në vitin 2011, kur Apple paditi Samsung, duke pohuar se rivali i tij vodhi teknologjinë dhe pamjen e patentuar të iPhone. Ajo ishte një nga rastet më të shikuara për patentat, që shkoi përpara gjykatës së lartë të SHBA-së në vitet e fundit.
Burimi: entrepreneur.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
