Amazon pa Jeff Bezos. Ç’do të thotë kjo?

Amazon është Jeff Bezos. Kompania është ndërtuar mbi idetë dhe idealet e tij, dhe strategjia e saj pasqyron trurin e tij të fiksuar pas numrave. Bezos është orakulli prapa një sërë parimesh dhe mekanizmash që qeverisin kompaninë e tij. Ata quhen “Jeff-isms” për një arsye.

Tani pas 27 vitesh, Shefi ekzekutiv (CEO) i Amazon, Jeff Bezos ka vendosur të tërhiqet këtë vit nga kjo detyrë, për t’u bërë “kryetar ekzekutiv” (executive chairman).

Dallimi mes një CEO dhe një “executive chairman”:

CEO është vendimmarrësi kryesor i një kompanie, dhe të gjithë drejtuesit e tjerë i përgjigjen atij ose asaj. Kryetari ekzekutiv i një kompanie është kreu i bordit të drejtorëve. Bordi zgjidhet nga aksionarët dhe është përgjegjës për mbrojtjen e interesave të investitorëve, siç janë përfitimi dhe stabiliteti i kompanisë.

57-vjeçari, themelues i Amazon, tha se ishte koha e duhur për ta bërë këtë lëvizje, e cila do ndodhë në tremujorin e tretë të vitit.

Në një letër drejtuar stafit, Bezos thotë se ai do vazhdojë të jetë “i angazhuar në iniciativa të rëndësishme të Amazon”, por do ta kthente vëmendjen më shumë nga iniciativat e tij personale të ndryshimit të klimës dhe nga kompania e kërkimit në hapësirë, Blue Origin, si dhe gazeta Washington që ai zotëron.

Jeff Bezos ka qenë CEO i Amazon që nga themelimi i saj në 1994-ën, duke u bërë një nga njerëzit më të pasur në botë me një vlerë të tanishme prej gati 200 miliardë dollarësh, sipas Forbes.

Pasojat e këtij vendimi:

Fillimisht, një moment vlerësimi. Në vitin 1994, Bezos ishte një ‘’nerd’’ financiar i Wall Street i cili vuri bast se interneti do të ishte një shpikje madhe dhe se librat ishin vendi më i mirë për të filluar. Rezultoi se ai kishte të drejtë. Dhe pastaj ai kishte përsëri të drejtë shumë herë pas kësaj.

Kompania që ai krijoi tashmë vlen 1.7 trilionë dollarë, ose më shumë se katër Walmarts. Amazon ndryshoi kuptimin e fjalës ‘’pazar’’, riformatoi industritë nga ushqimet deri te pjesët kompjuterike, punësoi njerëz me një normë të pakrahasueshme në histori dhe frikëson pothuajse çdo industri në planet. Bezos është një meme në internet dhe më i kërkuari për kopertina revistash, subjekt magjepsës dhe i preferuar në ambientet e biznesit dhe gjithashtu (për disa ditë) personi më i pasur në botë.

Bezos është ende në krye por… Bezos nuk ka ndërmend të pushojë. Pozicioni i tij i ri, kryetar ekzekutiv i bordit, nënkupton që ai do të luajë ende një rol kryesor në kompani dhe do të ketë dorë në vendimet kryesore.

Mirupafshim apo lamtumirë? Ekzistojnë dy mënyra për të tu tërhequr nga CEO: Ish-shefi qëndron rrotull – të paktën për një kohë – për të zbutur tranzicionin dhe për të dhënë këshilla, ose ai zhduket. Amazon po bën të parën, ashtu si Disney dhe Oracle.

LEXO: Jeff Bezos largohet nga pozicioni i shefit ekzekutiv të Amazon

Është e vështirë të dihet se cila rrugë është më e mirë, por hija e themeluesit vazhdon të qëndrojë. Padyshim, Google vuajti kur bashkëthemeluesi i saj Larry Page qëndroi për vite me radhë si një shef amorf mbi bosët pasi ai hoqi dorë nga posti i CEO në 2015 . Kur Satya Nadella mori detyrën e Microsoft-it, dukej sikur paraardhësit e tij, Steve Ballmer dhe Bill Gates, do të kishin ende një dorë te vendimet. Ishte më mirë për të dhe Microsoft që në heshtje të tërhiqeshin.

Pse tani? Bezos admirohet aq gjerësisht sa ai ka qenë në gjendje të merrej me projekte te tjerë si udhëtimet në hapësirë, të blinte një gazetë , të merrte një rol në një film “Star Trek” , të luante badminton dhe të drejtojë Amazon ashtu siç dëshironte. Bezos thotë se ai dëshiron t’i kushtojë më shumë vëmendje tani projekteve futuriste dhe interesave të tij të tjerë, por Elon Musk e ka bërë atë dhe ka qëndruar CEO i Tesla.

Amazon me Bezos në krye ka qenë një nga kompanitë më ambicioze në botë. Është një dritare për pothuajse çdo industri, ekonominë dhe të ardhmen e vendeve të punës. Amazon definitivisht nuk do të bëhet e mërzitshme vetëm sepse Bezos nuk do të jetë më CEO. Por është gjithashtu e vështirë të parashikosh se çfarë do të bëhet një Amazon pa Bezos.

NYT

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale