Ndërsa njerëzit në të gjithë botën zgjedhin të qëndrojnë në shtëpi dhe të blejnë online, teksa pandemia vazhdon, Amazon ka arritur një rekord shitjesh të të gjithë kohërave. Të enjten, më 29 tetor, kompania njoftoi se shitjet ishin rritur me 37% për tremujorin e kaluar, duke fituar një rekord prej 96.2 miliardë dollarë. Shifrat zbuluan një fitim prej 6.3 miliardë dollarë, shifër e cila raportohet të jetë rreth tre herë më e lartë se fitimi gjatë të njëjtës periudhë të tremujorit të tretë të vitit 2019.
LEXO: Gati 20,000 punëtorë të Amazon janë prekur nga Covid-19
Themeluesi i Amazon dhe personi më i pasur në botë, Jeff Bezos tha në një deklaratë: Ne kemi patur më shumë klientë se kurrë më parë, të cilët blejnë dhurata për festat e fundvitit që po afrojnë dhe mesa duket do të jetë një sezon i paparë pushimesh. Amazon vazhdimisht ka parë rritje të mëdha në shitje gjatë gjithë pandemisë, ndërsa dyqanet e tjera detyruar të mbyllen dhe miliona njerëz kanë mbetur pa punë dhe pa të ardhme.
Që nga fillimi i vitit, Amazon ka rekrutuar më shumë se 400,000 punonjës të rinj për të përballuar kërkesat në rritje. Sidoqoftë, kompania u kritikua në lidhje me masat anti-Covid, pasi më shumë se 19,000 punonjës u infektuan me koronavirus. Që atëherë Bezos ka prezantuar një sistem testimi për stafin, si dhe një numër masash paraprake të ndryshme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto