All-in-One Z240 i Asus ia kalon iMac-ëve të Apple

All-in-One Z240 i Asus ia kalon iMac-ëve të Apple


Kompjuteri All-in-One Z240 përfaqëson përpjekjet e Asus për të konkurruar me iMac-ët e Apple dhe në një farë mënyre ia ka arritur. Ky kompjuter ka harduer më të mirë, teknologji më të avancuara dhe mundësisht materiale më cilësore ndërtimi.

Teknologjitë e avancuara janë ekrani me prekje prej 10 pikash, një kamerë Intel RealSense, e cila ofron mbështetje edhe për Windows Hello si dhe një grup mikrofonësh të cilët tregojnë më të mirën e Cortana.

AiO Z240 sipas Asus është një desktop i fuqishëm dedikuar profesionistëve. Ekrani i tij ofron ngjyra të sakta duke e bërë të lakmueshëm për fotografët dhe video editorët. Falë teknologjisë me prekje ky kompjuter mund të përdoret edhe në pikat e shitjeve. Megjithatë kjo nuk do të thotë se ky kompjuter nuk është opsion i mirë përdorim familjar.

Ekrani prej 24 inç IPS “Ultra HD” ka një rezolucion prej 3840 x 2160 piksel me dendësi 185ppi. Hardueri i brendshëm fuqizohet nga proçesori Skylake katër bërthamësh Intel Core i7-6700T shoqëruar nga 16 GB DDR4 RAM.

Supriza vjen në fuqinë grafike të AiO Z240. Nvidia GeForce 960M me 4GB memorie është një nga kartat grafike më të mira në treg për laptopët. Së fundi, 1TB hardisk do të mjaftojë për një pjesë të madhe të përmbajtjeve tuaja.

Në pjesën e pasme gjenden 3 porta USB 3.1, një portë USB Type-C, dy porta HDMI dhe një fole për kartat microSD. Wi-Fi është po aty ndërsa tastiera e mausi janë pasuruar me teknologji wireless.

Nvidia GeForce 960M nuk është një kartë grafike ndërtuar për video lojërat por që një pjesë e tyre të madhe mund luhen në format HD pa ndonjë ngecje. Për nga performanca kjo kartë mund të krahasohet me Radeon R9 M395X që kushton afro 280 dollarë.

Më intrigues se asgjë është dizajni prej alumini i kompjuterit. Ngjason së tepërmi me një iMac jo vetëm në pamje por edhe në ndërtimin e brendshëm të harduerit duke mos lënë hapësira për ndërhyrje as në memorien RAM.

Varianti me ekran Full HD (1920 x1080p) dhe disk solid SSD i AiO Z240 do të jetë gjerësisht më i disponueshëm. Kostoja e tij fillon nga 1,899 dollarë për modelin 4K ndërsa modeli me ekran Full HD do të kushtojë 1099 dollarë.

Asus do të shesë edhe një model bazë me proçesor Intel Core i5, GeForce 950M dhe 8GB RAM për 999 dollarë.

/PC World Albanian/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0