Kur flasim për modën, markat e njohura ndërkombëtare shpesh vijnë në mendje si sinonime të stilit dhe elegancës. Por, brandet e reja po marrin një vëmendje të veçantë nga revistat e modës. Dhe për më tepër, mes tyre shohim emra shqiptarë. Alisa Dudaj, me brandin e saj ALISA DUDAJ, është prezantuar së fundi në Vogue, duke u renditur mes brandeve më të mira…
Ajo ka tërhequr vëmendjen me dizajnet e saj të veçanta dhe cilësinë e tekstilit. Nga përdorimi i motiveve tradicionale shqiptare në veshjet moderne deri tek prezantimi i koleksionit të saj më të ri në Javën e Modës në New York, Alisa Dudaj po shkëlqen si një simbol i kreativitetit dhe cilësisë. Ky artikull do të shqyrtojë jo vetëm suksesin e saj, por gjithashtu do të ndalemi në markat prestigjioze ndërkombëtare që po i japin formë dhe shkëlqim botës së modës, duke treguar se si çdo markë kontribuon në krijimin e një panorame globale të stilit dhe elegancës.
Vogue shkruan për ALISA DUDAJ: E themeluar në Tiranë, Shqipëri, Alisa Dudaj (alisadudaj.com) përdor motive tradicionale shqiptare për të krijuar veshje moderne të grave që imitojnë tendencat bashkëkohore. Çdo pjesë është krijuar me pëlhura luksoze dhe punuar me dorë nga femrat shqiptare. Alisa zbuloi koleksionin e saj më të ri, ‘Alpine Whispers’, në shkurt në Javën e Modës në New York.
Alisa Dudaj ka fituar çmimin e parë në edicionin e parë në Tiranë të Muza Competition. Duke e cilësuar si një yll në ngritje që në hapat e parë të saj, me startupin e saj të zhvilluar mes New York-ut dhe Tiranës, businessmag i dedikoi asaj kopertinën e revistës, shoqëruar me një intervistë të detajuar.
Alisa Dudaj, u zbulua si fashion designer nga fotografi i personaliteteve ndërkombëtare dhe artisti shqiptaro-amerikan Fadil Berisha. Ajo mori pjesë me koleksionin e saj në February 2024 NY fashion week.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
