Alen Saqe, CEO i Dentem, i ftuari i tretë i “The Key to Success 3.0” - Business Magazine Albania

Alen Saqe, CEO i Dentem, i ftuari i tretë i “The Key to Success 3.0”


I ftuari i tretë ishte CEO dhe bashkë-themeluesi i Dentem, Alen Saqe. Alen ndau me studentët e Universitetit Epoka përvojën e tij në ndërtimin e një kompanie si Dentem, një platformë e unifikuar për menaxhimin e detyrave të përditshme, automatizimin e marrëdhënieve me klientët dhe pranimin e rezervimit online për dentistët.

Ai gjithashtu tregoi për përpjekjet e tij të mëparshme për krijimin e bizneseve të suksesshme, të cilat kishin dështuar. Megjithatë, ai mësoi shumë nga ato përvoja dhe siç e përmend Alen, “ishte më mirë që të ndodhte ashtu”. Të gjitha këto përvoja e ndihmuan atë në ndërtimin e platformës së suksesshme Dentem. Tani ai është më i përgatitur dhe i gatshëm të merret me vështirësitë që paraqet tregu shqiptar.

Ajo që e bën këtë të ftuar të veçantë është se ai ka njohuri të thella të fushave të biznesit dhe informatikës. Ai është një biznesmen dhe një programues i mirë, aftësi e cila e ndihmoi atë të themelonte kompaninë e tij. Plani i tij për të ardhmen e Dentem përfshin aplikimin e Inteligjencës Artificiale, Realitetit Virtual, Realitetit të Shtuar dhe Machine Learning.

Alen dha disa këshilla shumë të rëndësishme për studentët:

  • “Investoni në veten tuaj”
  • “Prano investime nga të tjerët”
  • “Investoni tek të tjerët”
  • “Ji kurioz”

Burimi: epoka.edu.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0