Adidas ka paralajmëruar për ndikimin në fitimet e saj pasi i dha fund partneritetit jashtëzakonisht të suksesshëm të Yeezy me reperin dhe stilistin Kanye West.
Shefi i ri i firmës tha se mund të humbasë qindra milionë dollarë këtë vit nëse nuk do arrihet qw tw shitet stoku i atleteve Yeezy.
Gjigandi i veshjeve sportive ndërpreu lidhjet me West, i njohur si Ye, pasi ai postoi komente antisemite në rrjetet sociale.
“Numrat flasin vetë. Ne aktualisht nuk po performojmë ashtu siç duhet,” tha në një deklaratë shefi ekzekutiv i kompanisë Bjørn Gulden.
Lexo edhe: Adidas “heq qafe” Kanye West dhe “Yeezy”. Reperi zyrtarisht nuk është më një miliarder
Adidas tha se ishte ende duke vendosur nëse do të heqë aksionet e saj të mbetura në Yeezy, por do të merrte një goditje prej 500 milion euro në fitimet e saj nëse i hiqen të gjitha.
Për më tepër, kompania pret që një tronditje e biznesit të kushtojë 200 milionë euro të tjera.
Kjo mund të nënkuptojë se firma e atleteve është shtyrë në një humbje operative këtë vit që arrin në 700 milionë euro, paralajmëroi Gulden. Adidas pritet të kthehet në fitim në vitin 2024, shtoi ai. Në të njëjtën kohë kompania zbuloi se fitimi i saj operativ për vitin e kaluar kishte rënë në 669 milionë euro, dy të tretat më pak se në vitin 2021.Aksionet e tregtuara në SHBA në Adidas ranë me pothuajse 9% pas njoftimit./ BBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
