A janë bankat më pak të sigurta për shkak të platformave si Instagram dhe TikTok? - Business Magazine Albania

A janë bankat më pak të sigurta për shkak të platformave si Instagram dhe TikTok?

Dinamika kishte evoluar me vështirësi, kur në vitin 2007, Northern Rock pati tërheqje të shumta parash nga degët e saj, duke paralajmëruar fillimin e krizës financiare globale 2007-’08.

Një vit më pas, kur Bradford & Bingley u përballën me telashe, Banka e Anglisë kishte vendosur vëzhgues jashtë degëve të bankës, por u qetësuan që nuk panë radhë të tilla.Por, dinamika e rrjedhjeve bankare duket se po evoluon  dhe largimi i panikut mund të bëhet më i vështirë.

Si do të ishte kriza financiare 2007-’08 në epokën aktuale të Twitter, Facebook, Instagram dhe TikTok?

Kjo pyetje tani mund të jetë duke marrë përgjigje pa dashje dhe jo plotësisht pozitivisht, për shkak të shqetësimeve aktuale bankare.

Banka e Silicon Valley përjetoi tërheqjen më të shpejtë në historinë e sistemit bankar në SHBA, sipas kreut të Bankës Qendrore Amerikane, Jerome Powell.

Zëvendëskryetari i tij, Michael Barr, i tha Senatit të SHBA dje se “në mediat sociale filloi të flitej shumë për tërheqjen e parave dhe depozituesit e pasiguruar vepruan shpejt”, duke tërhequr fondet e tyre “me një normë të jashtëzakonshme prej 40 miliardë dollarësh brenda një dite.”

Të nesërmen SVB parashikoi “dalje edhe më të mëdha” dhe kështu “mbizotëroi paniku midis depozituesve të mbetur të SVB”.
Lexo: Nxitja e zhvillimit dixhital në Ballkanin Perëndimor

Këto janë shuma krejtësisht të mëdha. ‘Infektimi’ ishte ndërkontinental.

Banka e Anglisë u tha deputetëve të hënën se SVB UK, kishte humbur 3 miliardë £, ose 30% të bazës së saj të depozitave në një ditë.

Guvernatori Andrew Bailey tha në fillim të kësaj jave: “Një nga mësimet që duhet të marrim nga Silicon Valley Bank, dhe nuk është shembulli i vetëm, është shpejtësia me të cilën mund të zhvillohen ngjarjet në epokën e mediave sociale.

Dhe mësimi tjetër është se epokën e bankingut dixhital, shpejtësia me të cilën mediat sociale mund të ‘përkthehen’ (shkaktojnë) humbje.”

Ai vuri në dukje ndryshimin e rregulloreve për sigurinë bankare, për të parë nëse ato “përputhen me atë lloj dinamike që po ndodh”.

Dinamika është një kombinim i bankingut të çastit në internet (instant internet banking) dhe mediave sociale, që do të thotë se një sistem i ndërtuar mbi besueshmërinë dhe besimin, tani është më i brishtë. Mendoni grupet e WhatsApp ose Slack, duke këshilluar kompanitë në të cilat kanë investuar, të tërheqin të gjitha paratë e tyre.

Dhe ndërsa SVB kishte dinamikën e saj të veçantë, ku depozituesit ishin të përqendruar në një industri, dhe me shumicën e depozitave që nuk mbulohen nga mbrojtjet normale të kursimtarëve, këto shqetësime janë më të gjera.

Një kërkim i #bankrun në mediat kryesore sociale gjatë dy javëve të fundit, zbuloi një gamë të gjerë shifrash, që këshillonin njerëzit të tërhiqnin paratë e tyre nga institucione të ngjashme.

Një pjesë e kësaj u mbyll në mosbesimin e “ekspertëve” të zakonshëm, kundrejt besimit në kriptomonedhë. Një pjesë e suksesit të Bitcoin, dhe kriptos në përgjithësi, ka qenë skepticizmi ndaj bankingut normal.
Lexo: Rama: në 2024 paga mesatare 900 euro

Ky është tani një komunitet i zëshëm dhe i dukshëm në internet, i cili nuk ishte i pranishëm gjatë krizës financiare të vitit 2008.

Si përfundim është e arsyeshme të mendohet se një mjedis i ulët besimi i krijuar në mediat sociale, ka ndikim në brishtësinë e një sistemi të ndërtuar mbi besimin.

Nga ana tjetër, mund të kërkohet një përgjigje rregullatore. Rregullorja aktuale duket se do të ndryshojë, por ana tjetër e kësaj do të thotë, që bankat mund të mos jenë në gjendje të japin aq shumë hua në ekonomi.

Ndoshta ky është një reagim i tepruar ndaj rastit shumë të veçantë të SVB. Është një veprim balancues i kujdesshëm.

Por, mënyra se si ne llogarisim sigurinë e bankave mund të ndryshojë shpejt si rezultat i “Insta-run” të këtij muaji. / BBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0