Snapchat është një aplikacion që ju bën të ndiheni mirë, sipas një kërkimi të realizuar nga Snap Inc.
Kompania me bazë në Kaliforni bashkëpunoi me Murphy Research për të zbuluar pse njerëzit përdorin aplikacione të caktuara dhe si i bëjnë këta të fundit të ndihen.
Studimi anketoi 1,000 përdorues aplikacionesh nga mosha 13-44.
Rreth 95% e përdoruesve të Snapchat thanë se aplikacioni i bën të lumtur, më shumë se çdo aplikacion tjetër i testuar, tha Snap.
Tre atributet ndaj Snapchat të deklaruara në postimin në blog janë: “kreativ”, “tërheqës” dhe “gazmor”, tipare këto që e bëjnë Snapchat të jetë vendi ku mund të jesh vetvetja , të jesh afër miqve të tu dhe të ndash pjesë nga përditshmëria jote.
Ky studim vjen ndërkohë që Snapchat po kalon një krizë angazhimi dhe aplikacioni po kërkon mënyra për t’i mbajtur reklamuesit të interesuar në platformë.
Studimi gjithashtu zbuloi se njerëzit e përdorin Snapchat si një formë argëtimi me miqtë e tyre, duke përdorur filtra dhe lente që sponsorizohen nga reklamuesit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
