Çfarë duhet të bëni kur një punonjës jep dorëheqjen?

Në çdo kompani do të ketë gjithmonë qarkullim të njerëzve. Një punonjës ikën, një tjetër vjen, qoftë për një arsye apo për një tjetër. Ajo që vihet re në shumicën e rasteve është mënyra sesi trajtohen këta persona kur largohen, ndoshta të pakënaqur nga kushtet e punës, nga mënyra e komunikimit, mungesa e respektit apo dhe nga vlerësimi monetar.

Nëse jeni një drejtues kompanie dhe përballeni me këtë situatë ajo që duhet të bëni është:

• Thojuni atyre se janë gjithmonë të mirëpritur edhe pas largimit
• Urojuni gjithë të mirat
• Trajtojini me respekt, si të gjithë të tjerët
• Kuptoni se çfarë i bëri ata të largohen dhe çfarë duhet të ndryshoni që kjo të mos ndodhë më
• Përpiquni t’i bindni ata për të qëndruar, tregoni se e keni marrë mësimin
• Thojuni “Mirupafshim” në mënyrën më të mirë të mundshme, tregojini vlerësim për të gjithë punën e mirë që kanë bërë
• Mbani kontaktet edhe pasi të largohen

Lexoni: Çfarë bëri kjo CEO kur 45 nga punonjësit e saj dhanë dorëheqjen?

Shpesh drejtuesit i trajtojnë punonjësit që largohen nga puna si tradhëtarë që nuk janë të denjë as për një përshëndetje. Të mos përmendim që nuk kanë fare vlerësim për punën e mirë që kanë bërë. Kjo është një gjë e keqe. Është sikur fajëson dikë tjetër që kërkon më shumë nga vetja.

Jepuni njerëzve krahë për të fluturuar, rrënjë për t’u kthyer dhe arsye për të qëndruar.

/LinkedIn