A doni të mos jeni të lidhur me celularin tuaj 24/7? Provoni "Punkt" - Business Magazine Albania

A doni të mos jeni të lidhur me celularin tuaj 24/7? Provoni “Punkt”


Po të bësh një shëtitje në një qytet të madh, do të shikosh se të gjithë njerëzit janë duke përdorur celularët e tyre në vend që të shoqërohen dhe të komunikojnë me njerëz të tjerë. Tashmë, celulari është bërë pjesë e pazëvendësueshme e jetës dhe rutinës tonë.

Sigurisht që mund të ndalojmë së përdoruri celularin në një moment, por pastaj jemi plotësisht të “shkëputur” nga bota. A ka një rrugë të mesme mes manisë ndaj celularit dhe izolimit total nëse nuk e përdorim atë?

Lexoni:  Perfundimi i fotografit anglez: Smartphones po maskojne paaftesine e njerezve per te komunikuar

Kompani zvicerane “Punkt” beson se i ka gjetur një zgjidhje këtij problemi. Ajo sapo ka filluar shitjet e një “dumbphone”, MP01. Ky celular, me një pamje futuristike, i është larguar aplikacioneve dhe është fokusuar vetëm në telefonata dhe mesazhe. Duke u bazuar në studime, ne kemi shpenzuar 900 miliardë orë duke përdorur aplikacione në vitin 2016, por duke përdorur këtë celular, koha e shpenzuar në aplikacione do të shkojë në zero. Thuajini lamtumirë tastierës dixhitale të smartphone-ëve dhe thuajini përshëndetje butonave të vjetër me numra në to.

Motoja e Punkt është e thjeshtë dhe e drejtpërdrejtë: “Të jesh ‘offline’ është tashmë luks.” Deri tani, përshtypjet kanë qenë pozitive.

Lexoni: Studimi i ri zbulon se përdorimi i Facebook ul mirëqenien tuaj

“Sa më shumë i përdorim celularët, aq më të varur bëhemi ndaj tyre. Ndonjëherë është mirë që të themi ‘stop’. Por deri tani, e vetmja zgjidhje për njerëzit e lodhur nga smartphone-ët kanë qenë celularët e vegjël dhe të vjetër të hedhura në fund të sirtarëve,” thotë Punkt. “Punkt MP01 është modern, praktik dhe fare pak i ndërlikuar. Me të mund të bësh vetëm telefonata dhe mesazhe, kaq.”

Punkt po na e bën shumë të thjeshtë për të gjithë ne, që të jetojmë një jetë më private. Gjithashtu, kompania ka një return policy 30 ditore pas blerjes, që nëse ky celular nuk është për ju, fare thjesht mund t’i ktheheni jetës së përdorimit të pafundëm të aplikacioneve.

Gjithsesi, Punkt nuk është e vetmja kompani me këtë ide. Nokia gjithashtu ka krijuar Nokia 3310, me një kamera 2 megapixel dhe një kalkulator, pa harruar dhe Snake.

Lexoni: Nokia 3310 rikthehet me baterinë që zgjat 1 muaj dhe me Snake

Por gjithçka e mirë ka një anë të keqe dhe në rastin e Punkt, çmimi është 295$, një çmim goxha i lartë për një celular të tillë. Ama duke u fokusuar në moton e kompanisë, ajo ka për qëllim të krijojë një markë luksi në tregun e celularëve.

Burimi: Mashable

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0