Pikërisht në kërkim të shfaqjes së këtyre arritjeve dhe shpërblimit të tyre, dhjetëra takime organizohen çdo vit deri në mbylljen e aplikimeve me studentë, profesorë, akademikë, inovatorë dhe të pasionuar në fushën e ICT-së.
Kjo traditë vijoi gjatë javës me takime në qytetet Tiranë, Prishtinë, Shkodër dhe Preshevë me profesionistë, studentë dhe entuziastë të teknologjisë së informacionit.
Në fokus Siguria Kibernetike dhe Ylli në Ngritje
Një qendër premtuese, plot ide, plot projekte të udhëhequra nga një mentorship plot pasion nga dy themelueset për jCoders ICT Ylli në Ngritje ofron shansin e artë jo vetëm për fëmijët e këtyre moshave por edhe vetë institucionit duke afirmuar një sukses që shkëlqen prej dy vitesh.
Të Dielën në mbrëmje, Siguria Kibernetike ishte tema kryesore e shumë diskutimeve që morën jetë pranë Fakultetit të Ekonomisë në Universitetin e Tiranës.
Tirana dhe Prishtina dy kryeqendrat e inovacionit shqipfolës
Nën shoqërimin e Koordinatorit të UBT-së Blerton Abazi, drejtuesit e garës ofruan mundësinë e artë për studentët e këtij institucioni, atë të aplikimit dhe pse jo të suksesit në një eveniment kaq të rëndësishëm sa është Albanian ICT Awards.
Me mbështetjen e Fakultetit të Teknologjisë së Informacionit në UPT dhe profesorit Igli Tafaj, ICT Awards prezantoi studentët me kriteret e garës, mundësitë dhe shpërblimet që ofron ajo.
Një garë mbarëkombëtare
Për herë të parë, përfaqësuesit e garës udhëtuan drejt Kosovës Lindore, në qytetin shqiptar të Preshevës ku u takuan me nxënës dhe profesorë të Gjimnazit “Gjergj Kastrioti Skënderbeu” dhe Shkollës së Mesme Teknike “Presheva.”
Presheva befasoi me një kreativitet ndryshe nga çfarë jemi mësuar të shohim, një helikopter i ndërtuar përmes mjeteve rrethanore i cili besohet të jetë unik në llojin e tij. Universiteti Metropolitan dhe Universitetin Europian e shndërruan në një maratonë ditën e Enjte me plot tre të tilla brenda një dite.
Shkodra premton më shumë talent dhe iniciativë
E Premtja gjeti përfaqësuesit e garës në Universitetin Epoka në Tiranë dhe qytetin verior të Shkodrës, në Shkollën Austriake Peter Mahringer.
E specializuar në robotikë, nxënësit e shkollës Austriake gjatë takimit demonstruan disa projekte të zhvilluara dhe shprehën haptazi ambiciet për t’u bërë pjesë e garës pse jo edhe të rrëmbejnë një prej çmimeve të Albanian ICT Awards.
Të përfaqësuar denjësisht në Shqipëri dhe më gjerë me projektet dhe diplomat e programeve studimore, studentët e Universitetit Epoka bartin një potencial i cili nuk kishte sesi të mos vlerësohej nga Albanian ICT Awards.
Studentët e Informatikës pranë Universitetit Luigj Gurakuqi të Shkodrës për vitin e dytë me radhë u njohën më nga afër me garën me mbështetjen e Profesoreshës Elisantila Gaci.
12 ditë nga mbyllja e aplikimeve
Albanian ICT Awards po shkon drejt një edicioni tjetër të suksesshëm duke përmbushur qëllimin dhe misionin e saj të identifikimit dhe promovimit të maratonomakëve shqiptar të teknologjisë së informacionit.
Aplikimet qëndrojnë të hapura deri më 31 Mars përmes www.ictawards.org në tetë kategori: ICT Inovacioni i Vitit, ICT Mobiliteti i Vitit, ICT Diploma e Vitit, ICT Ylli në Ngritje i Vitit, ICT Shërbimi Publik i Vitit, ICT Akademiku i Vitit, Femra në ICT dhe çmimi i ri ICT Siguria Kibernetike.
Kjo garë nuk do të ishte e mundur pa mbështetjen tradicionale të Fondacionit Dritan Hoxha, Bankës Raiffeisen dhe Albsoft.
Risi, shpërblime dhe promovime fantastike për finalistët. Këtë vit, investitorë potencial të gatshëm të mbështesin idetë e suksesshme në Albanian ICT Awards.
Rreth Albanian ICT Awards
Albanian ICT Awards është një garë mbarëkombëtare unike për nga karakteri dhe dedikimi, që ka për synim identifikimin, shpërblimin dhe promovimin e profesionistëve të dalluar, udhëheqësve të suksesshëm të bizneseve, inovatorëve, akademikëve dhe të rinjve entuziast në fushën e ICT-së. Sistemi shpërblyes i këtij evenimenti realizohet përmes një përzgjedhje të paanshme dhe rigoroze nga një juri e përbërë nga figura të shquara të komunitetit ICT në vend, bazuar në kritere të veçanta etike dhe profesionale të vlerësimit.
Rreth ICTSmedia
ICTSmedia si një shtëpi botuese lider në botimet mediatike në fushën e Teknologjisë, Informacionit, Komunikimit dhe Sigurisë. Këtë vit prezanton edicionin e 5-të vjetor kombëtarë të evenimentit shpërblyes “Albanian ICT Awards V.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
