Legjislacioni i ri do të forcojë të drejtat dhe privatësinë e qytetarëve Europian në shërbimet e komunikimit, e-mail-it dhe zanore të ofruara nga Facebook, Google dhe Microsoft.Përgjimi, skanimi dhe ruajtja e përmbajtjeve të përdoruesve pa dijeninë e tyre do të jetë rreptësisht e ndaluar, vetëm nëse përdoruesit kanë detyrime financiare apo ligjore. Kompanitë duhet të kërkojnë miratimin e tyre në mënyrë të drejtpërdrejtë në mënyrë që të përdorin të dhënat për reklamim.
“Propozimet tona do të risjellin besimin tek Tregu i Vetëm Dixhital që qytetarët tonë kanë nevojë. Ne duam të sigurojmë kofidencialitetin dhe privatësinë e komunikimeve elektronike,” tha zëvendës presidenti i iniciativës Tregu i Vetëm Dixhital Andrus Ansip.
Shumica e shërbimeve online fitojnë përmes reklamimit. Propozimet e Komisionit Europian aplikojnë disa rregullore për kompanitë në fjalë, të cilat deri para pak ditësh ishin të vlefshme vetëm për operatorët e telekomunikacionit.
Gjithashtu shfletuesit duhet të pyesin përdoruesit nëse duan të lejojnë website-et të vendosin “cookie” në shfletuesit e tyre të përdorura gjerësisht për të dërguar reklama të shënjestruara.
Ligjet e reja të cilat pritet të hyjnë në fuqi në 2018-tën, duhet të marrin dritën jeshile nga Parlamenti Europian.
burimi: Pc-World
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
