Facebook ka hapur zyrën e parë në Filipine. Zëvendës Presidenti për Azinë dhe Paqësorin, Dan Neary, e bëri publik lajmin në faqen e tij në Facebook të Mërkurën.
Si shumë prej zyrave të tjera që Facebook ka hapur në rajon, edhe kjo e hapur rishtazi në Manila do të ndihmojë Facebook që të jetë më afër në kontakt me numrin në rritje të atyre kompanive që mbajnë një prezencë të biznesit të tyre në Facebook, dhe përdorin llogaritë e tyre për të komunikuar me konsumatorët.
Neary tha: “2 në 3 filipinas janë të lidhur me një faqe biznesi në Facebook, dhe ata po përdorin platformën për të zbuluar markat dhe produktet e reja.”
Facebook numëron 49 milionë përdorues filipinas, që përbën 91 për qind të popullsisë e cila ka një rrjet lidhjeje, ka thënë Neary.
Penetrimi i smartphone është paksa i dobët ku popullsia varet nga kompjuterat personalë tradicionalë për nevojat për internet. Rritja e shpejtë e përdoruesve të rinj të smartphone tregon se vendi ka një potencial të lartë për Facebook.
Facebook ka emëruar ish drejtorin e njësisë së biznesit përgjegjës për telefonat Samsung, Digs Dimagiba, në udhëheqjen e zyrës së re.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
