Ajo quhet Breakthrough Energy Ventures (BEV) dhe ka një fokus të gjerë.
“Për çdo gjë që çon në energji të lirë dhe të pastër, ne jemi të hapur”, tha Gates për Quartz.
Së bashku me bashkëthemeluesin e Microsoft i kthyer në filantrop tashmë dhe CEO-n e Amazon, ka një grup investitorësh të lartë dhe udhëheqës të industrisë që po mbështesin projektin: duke përfshirë Richard Branson nga Virgin’s, Ray Dalio nga Bridgewater, John Doerr nga Kleiner Perkins, bashkëthemeluesi i LinkedIn Reid Hoffman, Vinod Khosla nga Khosla Ventures, Jack Ma nga Alibaba, Dustin Moskovitz nga Facebook dhe CEO i Softbank Masayoshi Son.
Quartz sugjeron se me pasurinë totale të kombinuar të grupit prej 170 miliardë $, ai mund të jetë “grupi më i pasur i investitorëve të mbledhur ndonjëherë.”
Ky projekt është i dedikuar për të investuar në teknologjitë e gjelbëra dhe të pastra të energjisë, në përpjekje për trajtuar kërcënimin e ndryshimit të klimës dhe për të lëvizur njerëzimin mbi burimet e rinovueshme të energjisë.
Gates, që kur është larguar si CEO i Microsoft-it në vitin 2000, i ka kushtuar gjithnjë e më shumë nga koha e tij përpjekjeve filantropike. Me dhjetëra miliarda dollarë në dispozicion të tij, puna e Fondacionit “Bill & Melinda Gates” ndryshon nga: puna në probleme sanitare deri në përpjekje për të shuar malarien.
Burimi: inc.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
